Փաստ ինֆո

ՔՊ-ում վախ կա, և իշխանական խոհանոցներում խոսում են նաև արտահերթ ընտրությունների տարբերակի մասին, իսկ դա էլ իր հերթին խոսում է այն մասին, որ իշխանությունը հասկանում է պահի լրջությունը: Այս մասին «Փաստինֆո»-ի եթերում ասել է քաղաքագետ Արա Պողոսյանը:

Նրա խոսքով՝ կարևոր չէ, թե փողոցում որքան մարդ է, կարևոր է, թե փողոցից դուրս ինչպիսի հակակրանք կա իշխանության նկատմամբ:

«Այդ հակակրանքը գեներացվելով ու լցվելով փողոցներ ուղղակի սարսափելի հետևանք կունենա, նախ՝ իշխանախմբի, ապա նաև պետության համար»,- ասել է քաղաքագետն՝ ավելացնելով, որ ներքաղաքական պայթյունն անխուսափելի է լինելու այս տեմպերով։

Ա.Պողոսյանի արձանագրմամբ՝ Փաշինյանը պետք է հրաժարական տա, քանի դեռ փողոցներն այդքան մարդաշատ չեն, հակառակ դեպքում կգա մի պահ, որից հետո ուզեն թե չուզեն հրաժարական տալու են:

«Ժամանակը ի վնաս Փաշինյանի և իր թիմի է աշխատում, բայց ցավալին այն է, որ այդ ժամանակն աշխատում է նաև ի վնաս մեր պետության», -ասել է քաղաքագետը:

Բանախոսն անդրադարձել է նաև այս համատեքստում արտաքին զարգացումներին, նշելով, որ Թուրքիան բացահայտ աջակցություն ցույց տվեց Փաշինյանին:

Մանրամասները՝ տեսանյութում:

Աղբյուր` Փաստինֆո