Փաստ ինֆո

ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը հրաժարվում է պատասխանել քաղաքական թեմաներով հարցերին: Նկատենք, որ նա բավական ակտիվ մասնակցում է «Դիմադրություն» շարժման անհնազանդության ակցիաներին, այդ թվում՝ հանրահավաքներին, երթերին, փողոցը փակելու գործողություններին։ 

«Փաստինֆո»-ի հարցին՝ արդյո՞ք ընդդիմությունն ունի «պլան բ», որը գործի կդնի Նիկոլ Փաշինյանի՝ հրաժարական չտալու դեպքում, Լևոն Քոչարյանը ձեռնպահ մնաց պատասխանել՝ նշելով, որ ինքը պայքարի մասնակից է միայն։

«Այդ հարցը ինձ չպետք է տալ, դուք ինձ չեք տեսնում հարթակից խոսելիս, ես իմ մասով իմ բողոքն եմ արտահայտում, անհնազանդության ակցիաներին եմ մասնակցում, այդ հարցը պետք է ուղղել մարդկանց, ովքեր հարթակից ելույթ են ունենում»,-ասաց նա:
Այսօրվա՝ մայիսի 19-ի ակցիաներն անցան համեմատաբար հանգիստ՝ առանց լարվածության. Ոստիկանությունը չփորձեց խոչընդոտել ու որեւէ լուրջ միջադեպ չարձանագրվեց, բացառությամբ մի քանի սադրանքների։

Լևոն Քոչարյանի դիտարկմամբ՝ այս ամենը պայմանավորվում է Լիտվայի նախագահի՝ Հայաստան կատարվելիք այցով: Ըստ՝ Լևոն Քոչարյանի՝ իշխանություններն ուզում են միջազգային հանրությանը ցույց տալ, որ իրենք «պուպուշ» են, լավն են, ոչ մի վատ բան չեն արել:
Դիտարկմանը, որ միջազգային կազմակերպությունները ոչ միայն չեն քննադատում այս օրերին ցուցարարների նկատմամբ կիրառվող բռնի ուժը, այլ նաև իրենց հայտարարությունների տողատակերում աջակցություն են հայտնում ՀՀ գործող իշխանություններին, Լևոն Քոչարյանն ասաց.

«Վերջին 3-4 տարվա ընթացքում խայտառակ ապօրինություններ են եղել, եթե այդ ամեն ինչը լիներ նախկին իշխանությունների օրոք, ուղղակի ցունամիներ կբարձրանային, դեսպաններն արտգործանարարություններից դուրս չէին գա, բայց հիմա հանդուրժում են: Սա շատ հարցեր է առաջացնում և խոսում է նրա մասին, որ գլոբալ աշխարհում երկակի ստանդարտներ կան, որից մենք անմասն չենք, որը շատ ցավալի է»,-ասաց նա:

Մանրամասները՝ տեսանյութում։

Աղբյուր` Փաստինֆո