Փաստ ինֆո

Վերջին օրերին ոստիկանությունը խայտառակ բռնություն է գործադրում խաղաղ ակցիայի մասնակիցների, նրանց թվում՝ պատգամավորների, կանանց, անչափահասների նկատմամբ։

«Արծվիկ Մինասյանին կառանձնացնեի կարգավիճակի առումով, սակայն, չէի ուզենա առանձնացնել մեր այն բազմաթիվ համաքաղաքացիներից, որոնց նկատմամբ վերջին օրերին, ուղղակի, խայտառակ բռնություն է իրականացվում»,- «Փաստինֆո»-ի հետ զրույցում Ֆրանսիայի հրապարակից այս մասին ասում է ԱԺ «Հայաստան» դաշինքի պատգամավոր Գեղամ Մանուկյանը։ Ինչպես արդեն տեղեկացրել ենք՝ ոստիկաններն այսօր բացառիկ ցինիկ վարքագիծ են դրսեւորել պատգամավոր Արծվիկ Մինասյանի նկատմամբ՝ գործադրելով ֆիզիկական ուժ։

Գեղամ Մանուկյանը ոստիկաններին հիշեցրել է պարսկական մի պատմություն, թե ինչպես շահը գլխատեց իր լավագույն պարուհուն. «Շահին ժամանակավորապես գահընկեց են անում։ Վերադառնալով գահին, նա հրամայում է գլխատել իր պարուհիներից մեկին։ Պարուհին հարցնում է՝ ինչո՞ւ ես հենց ինձ գլխատում, չէ՞ - որ բոլորն էլ պարում էին, շահը պատասխանում է՝ որովհետև դու օտարների համար չափազանց լավ էիր պարում։ Վերադառնալով հարցին ասեմ՝ Նիկոլի համար լավ ծառայողները (չեմ ասում օրենքին, այլ Նիկոլին) մի օր այդ պատասխանատվության առաջ են կանգնելու, թող սա լավ հիշեն։

Քթներից գալու են պարգևավճարները, այդ պարգևավճարները մտցնելու են իրենց բերանները և ասելու են՝ դե խժռեք ձեր արժանապատվության, ձեր ընտանիքների և ձեր երեխաների ապագայի նկատմամբ հարգանքի դիմաց երկու կոպեկ պարգևավճարը։ Ասածս ոչ քաղաքակիրթ է հնչում, բայց անկեղծորեն՝ նման վարքագծին այլ պատասխան չկա»,- ասում է Ազգային Ժողովի պատգամավորը։

Մանրամասները՝ տեսանյութում։

Աղբյուր` Փաստինֆո