Փաստ ինֆո

«Ի դեմս մեր զոհված ընկերների թափած արյան, Նիկոլն անդադար հող է հանձնում։ Նա պետք է իմանա՝ ինքը հեռանալու է։ Կլինի դա շարժումով, թե շարժման հետևանքով առաջացած դեպքերի բերումով, նա, միևնույն է՝ հեռանալու է», - «Փաստինֆո»-ի հետ զրույցում ասել է կանդահայ գործարար, հայրենադարձ Հրաչյա Ջաբրայանը։

Նրա արձանագրմամբ՝ բերման ենթարկելով ու քրեական գործեր հարուցելով քաղաքացիներին վախեցնել չի կարող։ «Եթե նրան թվում է, թե մեզ՝ հատկապես, ազգայիններին, թիրախավորելով և շարունակ բերման ենթարկելով, քրեական գործեր հարուցելով կարող է հաջողության հասնել՝ սխալվում է։ Վախկոտն, իհարկե, այդպես է աշխատում, իսկ Նիկոլը շատ ծիծաղելի և ճղճիմ մարդ է, այնպես էլ չէ, որ նա, իր երկու եղբայրների (նկատի ունի՝ էրդողանին և Ալիևին. հեղինակ) նման թուրք չէ»,-ասել է կանադահայ գործարարը։

Վերջինս նկատում է՝ հայրենասեր ու ազգասեր մարդը չի կարող անտարբեր մնալ այն ամենին, ինչ կատարվում է այս օրերին Ֆրանսիայի հրապարակում.«Ինձ համար շատ ակնհայտ և հստակ էր, որ 44 օրյա պատերազմը ծրագրավորված պարտության տանող պատերազմ էր, որն իրականացրեց օրվա իշխանությունը։ Գիտենք նաև, որ Փաշինյանի մեջքին ազդեցիկ ուժեր կան, որոնք նրան, դեռևս, պահում են իշխանության ղեկին՝ խոսքը Թուրքիայի և Ադրբեջանի մասին է։ Երեք եղբայրներով, դավադիր պատերազմից հետո հիմա էլ՝ պայմանավորված կերպով, մաս -մաս հողեր են հանձնում Սյունիքից, Գեղարքունիքից, Տավուշից, առանց նախապայմանների սահմաններ են բացում թուրքերի հետ և, այս ամենն այն դեպքում, երբ մեր տղաների թափած արյունը դեռ չի չորացել դաշտերում։ Այս ամենը կանխելու, այս իշխանություններին հեռացնելու և ազգային իշխանության բերելու համար է, որ ես այս հրապարակում եմ»,- ասում է կանադահայ գործարար, հայրենադարձ, Հրաչյա Ջաբրայանը։

Մանրամասները՝ տեսանյութում

Աղբյուր` Փաստինֆո