Փաստ ինֆո

Ագրարային համալսարանի ուսխորհրդի նախագահ Թոռնիկ Ալիյանը տեսնես հասկացե՞լ է, մտքով անցե՞լ է, որ ինքնաձայնագրիչի առջև համաձայնության գալով 2000000 դրամով ագրարայինի 2000 ուսանողի՝ թեկուզ հիպոթետիկ՝ քաղաքական ակցիայի մասնակից դարձնել, տասնամյակների պատմություն ունեցող այդ համալսարանի ուսանողներին՝ բոլորին և յուրաքանչյուրին հոտային մտածողության կրող է դարձրել։ Անգաղափար ու կշառվող է դարձրել։ Իրեն ո՞վ է թույլ տվել, ինքն ո՞վ է, որ ուսանողների փոխարեն պիտի որոշի, թե՝ նրանք ու՞ր գնան։

Ընդհանրապես, ինքն ո՞վ է, որ 1000 ուսանողի կամքի վրա պիտի ազդեցություն ունենա, 1000 դրամով ուղղորդի նրանց։ Այստեղ էական էլ չէ դրամը, սակայն, «1000 դրամի բազարը» և նմանատիպ «բազարները» դատելով ինքնաձայնագրությունից, այդ անձնավորության համար կարծես առանձնապես դժվար մի բան չի եղել։

Խայտառակություն է, որ թոռնիկ անունով այդ կամակատարն իշխանությունների պատվերով կեղտոտ գործ «սարքող» է դարձել, որի արդյունքում որոշված է եղել ստահոդ գործ կարել դիմադրության շարժման ակտիվ և արժանապատիվ գործիչներից մեկի՝ Ավետիք Չալաբյանի դեմ։ Եվ տվյալ անձն իմացել է, թե ինչ ստորություն է անում, այլապես ինքն իրեն ձայնագրելու կարիք չէր լինի։

Ինչ խոսք, Ավետիք Չալաբյանին քպական կեղտը չի դիպչի, նա ավելի ուժեղացած դուրս կգա մեկուսարանից։

Սակայն ագրարայինի ուսանողների վրա «գործ սարքող թոռնիկի» ու նրա պատվիրատուների թողած խարանը՝ որ իբր 1000 դրամով, ընդհանրապես՝ կաշառքով իրենք պատրաստ են փողոց դուրս գալ, մնալու է։

Եվ գիտեք, զարմանալի է ու անբացատրելի նաև, որ ագրարայինում «թոռնիկին» մեկ ուսանող անգամ չգտնվեց, որ դատապարտի, իր ճիշտ տեղը ցույց տա։

Եվ ոչ միայն․․․ագրարայինից, քանզի խարանը ընդհանրական՝ բոլոր ուսանողներն է կպել։ Ձյութի նման։

Աղբյուր` Փաստինֆո