Փաստ ինֆո

Նիկոլ Փաշինյանն այսօր պատային իրավիճակում է, մի կողմից ներքին կյանքում չդադարող բողոքի ակցիաները, մյուս կողմից՝ ստեղծված իրավիճակում արտաքին աշխարհի առաջ լեգիտիմության խնդիրը։ Այս մասին «Փաստինֆո»-ի եթերում ասել է «Ռեֆորմիստներ» կուսակցության նախագահ Վահան Բաբայանը։

Նրա արձանագրմամբ՝ ընդդիմությունը չի համաձայնի Փաշինյանի հետ գնալ նոր ընտրության՝ այս քաղաքական ճգնաժամը հաղթահարելու համար, ընդդիմությունը չի գնա նաև խորհրդարան, իսկ եթե նման բան տեղի ունենա, ապա տվյալ քաղաքական ուժը կգործի քաղաքական ինքնասպանությունը։

Խոսելով ընդդիմության ակցիաների ու անհնազանդության գործողությունների մասին՝ բանախոսը վստահեցրել է, որ այս փուլում շատ կարևոր է, որ ընդդիմությունը հայտարարի ՀՀ նոր վարչապետի անունը, այսինքն՝ մարդիկ պետք է իմանան ումով են փոխարինելու Փաշինյանին։

«Այս դեպքում վստահ եղեք, փողոցներում ցուցարարների թիվը կեռապատկվի, և այսօրվա, այսպես ասած, լոյալ մարդիկ ևս դուրս կգան պայքարի»,- ասել է Վահան Բաբայանը,

Մանրամասները՝ տեսանյութում։

Աղբյուր` Փաստինֆո