Փաստ ինֆո

«Հողերի հանձնումն և Արցախի հարցի մեզ համար անբարենպաստ լուծման կանխումը մեկ ճանապարհ ունի՝ սրանց հեռացումը և մենք, վստահաբար, հասնելու ենք դրան»,- Ֆրանսիայի հրապարակում տեղի ունեցած մամուլի ասուլիսի ժամանակ հայտարարել է ՀՅԴ Հայաստանի ԳՄ ներկայացուցիչ Իշխան Սաղաթելյանը՝ նշելով, որ այս հրապարակից շատ հստակ հայտարարել են, որ Նիկոլ Փաշինյանի որևէ պայմանավորվածություն առ ոչինչ է, որովետև ինքը ժողովրդի կողմից մանդատ չունի։

«Այն պայմանավորվածությունները, որ նա փորձում է ձեռք բերել Ադրբեջանի հետ՝ խաղաղության պայմանագիր չէ, այլ հայրենազրկման և մեր պետականությունը կորցնելու պայմանագիր է։ Մենք չենք ասում, թե սրանց հեռացնելուց հետո, Ադրբեջանին կամ Թուրքիային պատերազմ ենք հայտարարելու, կամ չենք բանակցելու։ Բանակցելու ենք և՛ Ադրբեջանի, և՛ Թուրքիայի հետ, բայց այդ բանակցություններին մենք գնալու ենք մեր օրակարգով՝ մեր ժողովրդի և պետության շահերը պաշտպանելու։ Ակնհայտ է, որ Նիկոլի մնալով մենք ունենալու ենք կամ նոր պատերազմ, կամ հայրենազրկում, որովհետև ինքն ունի պայմանավորվածություն»,- ասել է Իշխան Սաղաթելյանը՝ պատասխանելով նկատառմանը մինչ այստեղ՝ Ֆրանսիայի հրապարակում հավաքական ընդդիմությունը հավաքներ է իրականացնում, աշխարհի գերտերություններում քննարկվում է Արցախի և այսպես կոչված՝ անկլավների հարցը։

Հարցին՝ արդյո՞ք իրականությանը համապատասխանում են իշխանական թևում տարածվող լուրերը, թե շարժման ներսում պառակտում կա, Իշխան Սաղաթելյանը պատասխանում է՝ շատերն են փորձում շարժումը պառակտել, բայց նման խնդիր՝ շարժման ներսում ընդհանրապես չկա։

Մանրամասները՝ տեսանյութում։

Աղբյուր` Փաստինֆո