Փաստ ինֆո

Դիմադրություն շարժումը նախատեսում է մարտավարության փոփոխություն։ Այդ մասին քիչ առաջ Ֆրանսիայի հրապարակում հայտարարել է շարժման գործիչներից Իշխան Սաղաթելյանը՝ արձագանքելով լրագրողի հարցին, թե արդյո՞ք հարթակներից ելույթներ ունենալով և քայլերթեր իրականացնելով օրվա իշխանությունները կհեռանան։

«Իսկ ի՞նչ այլընտրանք են առաջարկում մարդիկ, ովքեր այդպես են ասում»,- Ֆրանսիայի հրապարակում հրավիրած մամուլի ասուլիսի ընթացքում ասել է Իշխան Սաղաթելյանն ու ավելացրել. «Իշխանությանը հեռացնելու միակ ճանապարհը՝ լայն հանրային ճնշման տակ դրան հասնել է։ Ի՞նչ է պետք դրա համար՝ երկրում լիարժեք երկիշխանություն ստեղծել, հասնել նրան, որ պետական կառավարման համակարգն, այլևս, չկարողանա ծառայել մեկ մարդու։ Մենք գնում ենք այդ ճանապարհով»։

Հարցին՝ արդյո՞ք շարժմանը հաջողվե՞լ է պարալիզացնել քաղաքը վերջինս պատասխանում է՝ այո. «Մեզ հաջողվել է, իրոք, պարալիզացնել քաղաքը, և՛մարզերում, և՛ Երևանում շենքեր շրջափակել, որոնց արդյունքներն ակնհայտ են, բայց հեռացման համար դեռ բավարար չեն։ Ի՞նչ է պետք դրան հասնելու համար՝ ավելացնել ծավալները, որի համար մեզ ողջունողներն, մեր աջակիցներն ու մեր պես մտածողները պետք է դուրս գան փողոց՝ պայքարելու։ Նաև տեղեկացնեմ, որ հաջորդ շաբաթ մենք մարտավարական որոշ փոփոխություններ ենք անելու ու, այո, հասնելու ենք նրան, որ քաղաքը կանգնի»,- նշել է Իշխան Սաղաթելյանը։

Աղբյուր` Փաստինֆո