Փաստ ինֆո

Քաղաքական գործիչ Ավետիք Չալաբյանի փաստաբան Արթուր Հարությունյանն այսօր լրագրողների հետ զրույցում հայտնեց, որ Ա.Չալաբյանին մեղադրանք է առաջադրվել ՔՕ 163-րդ հոդվածի 3-րդ մասի 2-րդ կետի հատկանիշներով, նրա նկատմամաբ որպես խափանման միջով է ընտրվել կալանքը՝ երկու ամիս ժամկետով:

Նախքան այդ փաստաբանական թիմի կողմից ձերբակալման օրինաչափությունը վիճարկելու բողոք էր ներկայացվել, սակայն դատարանը ողջ օրվա ընթացքում նիստ չի հրավիրել և չի քննել բողոքը.

«Գուցե «պատահականության» արդյունք էր, երբ վարույթն իրականացնող մարմինն արդեն ավարտում էր իր գործողությունները և պատրաստ էր կալանքի միջնորդությունը, այդ ժամանակ դատարանից ինձ իրազեկում են, որ 17.30-ին նշանակված է իմ բողոքի՝ ձերբակալման օրինաչափության բողոքարկաման նիստը, ես ուշացումով ներկայացա դատարան և ինձ ասացին՝ քանի որ վարույթն իրականացնող մարմինը նույն օրը մուտք էր արել նաև կալանքի միջնորդությունը, ապա կալանքի և ձերբակալության միջնորդության նույն վարույթով պետք է քննվի, ավելին՝ քննիչը հարկ չէր համարել ներկայանալ, չէին ներկայացել նաև քննիչներից, այդ հիմքով դատական հիմքը հետաձգվեց և այսօր ներկայացվեց, ինչպես նշեցի, երկու միջնորդությունները միասին քննվեցին»,-ասաց Արթուր Հարությունյանը:

Նրա խոսքով՝ վարույթ իրականացնող մարմնի ապօրինությունները, որոնք սկսվել էին Ավետիք Չալաբյանին բերման ենթարկվելու պահից, շարունակվել են նաև դատարանում, որտեղ համապատասխան փաստաթղթեր ներկայացվել են միջնորդությունը ներկայացնելուց հետո:

Աղբյուր` Փաստինֆո