Փաստ ինֆո

Իշխանությունների գործելաոճից զերծ չեն կեղծիքները։ Արդեն մի քանի դեպքով փորձում են այնպիսի տպավորություն ստեղծել, թե իբրև այստեղ մարդիկ կան, որոնք գումարով են գալիս։ Տղերք, մեզ ձեր արշինով մի չափեք, մենք կոպեկի համար չենք ապրում, մենք գաղափարի համար ենք ապրում, մենք անձի պաշտանմունքով անձի հետևիեց չենք գնում, մենք գաղափարի հետից ենք քայլում։ Այս մասին Ֆրանսիայի հրապարակում հայտարարեց դաշնակցական երիտասարդներից մեկը։

Նշենք, որ համացանցում տեսանյութ է տարածվել, համաձայն որի՝ իբրև Արծվիկ Մինասյանն ինչ-որ մեկին գումար էր տվել։ Տարածված տեսանյութում երևացող երիտասարդը հետագայում պարզաբանել է, որ ինքը գումարով ցույցի չի եկել, իր բերանից «խոսք են քաշել», իրեն նկարողները եղել են ավտոտեսուչները։ Պարզաբանումից հետո հանրահավաքի մասնակիցները վանկարկեցին՝ «ամոթ», սակայն դաշնակցական երիտասարդը նշեց՝ վերջինիս մեղադրել պետք չէ, վերջինս բոլոր ակցիաներին մասնակցում է և հիմա մեծահարուստ կլիներ, եթե գումար բաժանվեր։

Անդրադառնալով Գյումրի տանող ճանապարհին տեղի ունեցած միջադեպին՝ դաշնակցական երիտասարդը նշեց, որ Հանրային հեռուստաընկերությունն իրենցից շուտ էր հասել, այդաստիճան կազմակերպված էր ամեն ինչ։

Աղբյուր` Փաստինֆո