Փաստ ինֆո

Այսօր կատարվեց մի ահավոր բան․ գերիների հարազատների բողոքը հասկանում եմ, միգուցե ասեի նաև, որ իրենք իրավացի են, եթե հետևում չերևային ուրիշների ականջները։ Քիչ առաջ ֆեյսբուքյան ուղիղ եթերով, անդրադառնալով Գյումրիի ճանապարհին տեղի ունեցած միջադեպին, որոշ մանրամասներ հաղորդեց ՀՅԴ անդամ Գեղամ Մանուկյանը։

«Ավտոերթին առաջ իշխանական ինչ-որ ֆեյսբուքյան օգտատերեր սկսեցին տարածել լուրեր, թե ճանապարհ են փակելու։ Ճանապարհին արդեն հայտնի դարձավ, որ Հոռոմ գյուղի մոտ գերիների հարազատների կողմից ճանապարհը փակված է։ Այստեղ էր նաև Շիրակի մարզպետի եղբայրը՝ Արմանը։ Հիմա ասում եմ՝ Արմա՛ն, մարդ կարող է հազար տեսակ զանցանք գործել բայց ուրիշի դժբախտության վրա միավոր հավաքելը մեղք է։ Հարգելով որոշ մարդկանց՝ շատ բան չեմ ասում, բայց մի օր, կանգնելով Աստծո դատաստանի առաջ, պատասխան ես տալու ռազմագերու ծնողին այս վիճակին հասցնելու համար, դեղնած մազերով ինչ-որ կանանց Գյոմրիից բերելու և իբրև գերու ծնող ներկայացնելու համար»,-ասաց Մանուկյանը՝ հավելելով, որ մարզպետի աթոռը զբաղեցրած անձը տարբեր քաղաքական ճամբարներ է փոխել և պաշտոնն էլ ժամանակավոր է, ինչի համար մարդկանց՝ այն էլ գերու ծնողին, չի կարելի է աթոռ պահելու համար շահագործել։

Հիշեցնենք, որ «Դիմադրություն» շարժման ավտոերթի ճանապարհը փակած գերի ընկած շիրակցիների մի խումբ ծնողներ ընդդիմադիր պատգամավորներից պարզաբանումներ են պահանջել, թե ինչու են ցույցեր անում և, իրենց ձևակերպմամբ, խանգարում, որ տղաները գերությունից վերադառնան։ ՀՅԴ անդամ Գեղամ Մանուկյանն ի պատասխան ծոնղներից մեկի նման հարցադրմանն ասաց․«Նոյեմբերին հացադուլի եմ նստել․ քո նման շատ ծնողներ ասացին՝ դու որ հացադուլի ես նստում, խանգարում ես, որ գերիներին վերադարձնեն։ Ձեններս կտրեցինք, էդպես հարյուր անգամ ձեններս կտրեցին։ Ամիսներով ասում էիք՝ ցույց մի արեք, որ Նիկոլը կարողանա գերներին վերադարձնի։ ։ Եղան ընտրություներ, Նիկոլն ասաց՝ մի երկու ամիս էլ սպասեք, գերիներին կվերադարձնենք։ Ձեններս էլի կտրեցինք։ Մեկուկես տարի է անցել, ինչո՞ւ չի վերադարձնում»։

Ծնողի պնդումներին, թե տղաները Խծաբերդում գերի են ընկել, քանի որ ամեն ինչ ծախված էր, ընդդիմադիրները հակադարձեցին․ «Ո՞վ ծախեց․ գերագույն գլխավոր հրամանատարը եղել է Նիկոլ Փաշինյանը, պաշտպանության նախարարը՝ Դավիթ Տոնոյանը։ Փաշինյանը թուղթ է ստորագրել, որ գերիները վերադառնալու են, ո՞ւր են հիմա»։

Աղբյուր` Փաստինֆո