Փաստ ինֆո

«Մենք գործ ունենք այլասերված արժեքային համակարգով՝ անհայրենիք թրքացածների հետ»,- «Փաստինֆո»-ի հետ զրույցում ասում է ռազմական փորձագետ Դավիթ Ջամալյանը` պատասխաննելով հարցին՝ ինչո՞ւ են վերջին օրերին իշխանական թևի այս կամ այն գործիչներ, համառորեն փորձում բանակով վախ և ահաբեկում տարածել այս օրերին փողոցային պայքարի ելած քաղաքացիների նկատմամբ։

Հիշեցնենք, որ օրերս Պաշտպանության անվտանգության խորհրդարանական հանձնաժողովի նախագահ, պատգամավոր Անդրանիկ Քոչարյանն առաջարկել էր անհնազանդության տարբեր ակցիաներին մասնակցելու համար ոստիկանություն բերման ենթարկված քաղաքացիներին ուղարկել եռամսյա վարժանքների:

Դավիթ Ջամալյանը նկատում է՝ այս մարդկանց համար Անկախությունը եղել է ընդամենը գռփելու և հարստանալու մի ժամանակահատված, նրանց համար պետական ապարատում լինելը նշանակել է անձնական հարցեր լուծելու լավ առիթ, այսպիսի արժեքային համակարգով մարդիկ ուր մտել են՝ ապականել են, որտեղ եղել են, իրենց կատարած աշխատանքով վարկաբեկել են համակարգն ու իրենք իրենց, վերջին հաշվով՝ վարկաբեկվելով այնքան, որ իրեն հարգող որևէ քաղաքական թիմ սրանց իրենց կազմ երբեք չի վերցրել։ Սրանք նախկինում և միշտ վարկաբեկվել են այն պատճառով, որ մշտապես ունեցել են այլասերված արժեքային համակարգ, ասում է ռազմական փորձագետը։

Ջամալյանը հավելում է՝ հիմա այս մարդիկ, ովքեր չունեն բարոյական տաբուներ, որոնց, լայն իմաստով, մարդ անվանելն, անգամ, ճիշտ չէ, որոշել են, որ կարող են պայքարի դուրս եկած հայրենակիցներին վախեցնել և ահաբեկել ո՛չ ավել, ո՛չ պակաս բանակի գաղափարով. «Իմ ընկեր Տիգրան Աբրահամյանն այս առիթով երեկ հանրահավաքի ընթացքում հայտարարեց՝ բանակը սրբություն է, բանակը մեր ինքնության կարևորագույն և ամենավառ դրսևորումներից մեկն է, որով մենք, որպես հայ կենսունակ տեսակ՝ եղել ենք, կանք ու դեռ կլինենք։ Բանակով մենք հպարտանում ենք, էլ ավելի ենք ամրապնդում մեր ինքնությունն ու գոյության պայքարը։ Բանակում ծառայելն ու բանակը հզորացնելը արժանապատիվ հայորդիների ամենապատվաբեր զբաղմունքն է եղել և այդպես էլ պետք է լինի։ Այնպես որ, նորմալ բարոյական արժեքային համակարգ ունեցող մարդկանց դիրքերից, բանակով որևէ մեկին վախացնելն՝ անհայրենիք, այլասերված արժեքային համակարգ ունեցողների դիրքորոշում և զբաղմունք է։ Տզի պես իշխանությունից կառչածների համար՝ բանակը որպես պատժիչ գործիք օգտագործելու ցանկությունն, ընդամենն, իրենց դեմքն ավելորդ անգամ ցուցադրելու անհաջող փորձ է»,- ասում է Դավիթ Ջամալյանը։

Խոսելով Սոթքում հակառակորդի կողմից հրադադարի ռեժիմի խախտման միջադեպի մասին, որի հետեւանքով՝ հայկական կողմն ունի մեկ վիրավոր, ռազմական փորձագետն ասում է՝ այն ինչ կատարվում է Գեղարքունիքի մարզի սահմանամերձ հատվածում, ցավոք, կանխատեսելի գործողութուն է.«Այս իշխանություններն արդեն, ընդամենը, մեկ հենարան ունեն՝ թուրք – ադրբեջանական տանդեմը կամ որ նույնն է՝ բրիտանաթուրքական բևեռը, որի վրա սրանք հենվել ու շարունակում են հենված մնալ։ Հետևաբար, բնական է, որ այս չհայերի իշխանության հիմքերը թուլանալուն զուգահեռ, նրանք պետք է դիմեին իրենց տերերի օգնությանը։ Այստեղ նկատենք, որ սրանք թուրքի համար նույնիսկ եղբայր էլ չեն, այլ միայն ծառա, որ եղել և մնալու են որպես ստորադաված հարճի կարգավիճակով գյավուրներ։ Հիմա սրանց տերերը փորձում են օգնության ձեռք մեկնել իրենց հարճերին, որպեսզի սրանք, պահելով իշխանությունը, շարունակեն ծառայել թուրքերին»։

Այստեղ, սակայն, ռազմական փորձագետը հատուկ ասելիք ունի. «Սոթքում տեղի ունեցածը, կրկին անգամ, ի ցույց է դնում օրվա իշխանությունների դավադիր բնույթը։ Հետևաբար, ռազմական այդ բախումը պետք է մեզ էլ ավելի միավորի, մենք էլ ավելի պետք է մոտիվացվենք՝ վայրկյան առաջ հեռացնելու դավադիր իշխանություններին, որպեսզի հնարավորություն ունենանք արագ կերպով կարգի բերենք մեր Զինված ուժերն ու դաշնակից Ռուսաստանի և բարեկամ Իրանի հետ, ձեռք ձեռքի տված, դիմակայենք այն մարտահրավերներին, որոնք սրանք բերել են մեր գլխին։ Բոլորովին պատահական չէ, որ այսպիսի իրավիճակում, հայկական Զինված Ուժերը չունի Գլխավոր Շտաբի պետ։ Սա արվել է նրա համար, որպեսզի հերթական դավադիր պատերազմի և պարտության դեպքում, այս անհայրենիքիներն ունենան բավարար հիմքեր, պայմանավորված հերթական պարտությունը բարդեն բանակի վրա։ Հետևաբար, նորից եմ կրկնում՝ հենց Սոթքի դեպքերը պետք է խթան հանդիսանան, որպեսզի փողոց դուրս եկած հազարավոր հայրենակիցներն էլ ավելի միավորվեն և բոլորով միասին վայրկյան առաջ ազատվենք սրանցից՝ կառուցելու անվտանգ պաշտպանական համակարգ և ապահով երկիր»։

Աղբյուր` Փաստինֆո