Փաստ ինֆո

Ազատամարտիկ Աշոտ Սևյանին հրապարակ է բերել սեփական երեխայի ապագան։ Այս մասին ասում է նա՝ Ֆրանսիայի հրապարակից «Փաստինֆո» լրատվականի հետ զրույցում։

«Մեր երկրի սահմաններին առկա բոլոր հարցերը լուծվում են այստեղ՝ հրապարակում։ Այսինքն, նախ այստեղ պետք է ինչ – որ բան փոխվի, նոր այնտեղ։ Եթե այստեղ չի փոխվում, սահմաններին մեր պայքարն ապարդյուն է լինելու»,- նշում է ազատամարտիկը։

Խոսելով օրվա իշխանությունների առաջ քաշած կեղծ, հակահայ և վտանգավոր օրակարգերի մասին՝ Աշոտ Սևյանը նկատում է՝ ինչպես տեսնում ենք, լափամանների համը տեսած կապիտուլյանտները չեն էլ մտածում նույնիսկ եղածը պահելու մասին, հակառակը՝ նույնիսկ թևաթափ են անում պայքարող մարդկանց. «Ինձանից շատ խաղաղություն ուզող թող չլինի, որովհետև այդ խաղաղություն ապահովողներից և բերողներից մեկն էլ ես եմ, բայց նման ձևով՝ խաղաղություն չի լինելու։ Եթե թավշյա թաթիկ կտրողները խաղաղություն են ուզում, թող գնան Ստամբուլում ուզեն»,- ասում է Ղարաբաղյան առաջին, ապրիլյան քառօրյա և 44 օրյա պատերազմի մասնակիցը։

Բողոքի դուրս եկած խաղաղ ակցիաների մասնակիցների նկատմամբ այս օրերին ոստիկաններն աննախադեպ բիրտ ուժ են գործադրում, ինչին արձագանքելով ազատամարտիկը նկատում է՝ իրեն էլ են փորձել բերման ենթարկել.«Գինու գործարանի մոտ փողոց փակողներից մեկն էլ ես էի, ինձ էլ փորձեցին գետնին պառկեցնելով բերման ենթարկեն, բայց մենք իրենց բացատրեցինք, որ ես պառկող տեսակներից չեմ։ Ինձ պառկեցնելով, պառկեցնում են հայկական զինանշանը, որ կրծքիս է, ինչը գետնին տալը լավ բան չի։ Փառք Աստծու, իրենց մեջ կան մարդիկ, ովքեր հասկանում են, որ չի կարելի թույլ տալ նման վարմունք»,- ասում է Աշոտ Սևյանը։

Մանրամասները՝ տեսանյութում

Աղբյուր` Փաստինֆո