Փաստ ինֆո

Որքան ընդդիմության ակցիաները թափ հավաքեն, այնքան այս իշխանությունն ավելի կատաղի պայքար է մղելու։ Այս մասին «Փաստինֆո»-ի եթերում ասել է «Ընդդեմ իրավական կամայականությունների» ՀԿ գործադիր տնօրեն, ՀՀ առաջին ՄԻՊ Լարիսա Ալավերդյանը։

Նրա խոսքով՝ ոստիկանությունն առանձնակի դաժանություն է ցուցաբերում ցուցարարների նկատմամբ, ինչը Ցեղասպանությանն է ներհատուկ։

«Այս իշխանությունը չունի բարոյականություն, նրանց համար արժեք չունեն թե ովքեր են բողոքում, որդեկորույս մայրեր, թե անվասայլակներով հաշմանդամ տղաներ, որոնք կռվել են թշնամու դեմ՝ վտանգելով իրենց կյանքը։ Այս զանգվածային բողոքի ակցիաները հզո՛ր ուղերձ են ուղղված միջազգային հանրությանը, աշխարհին առ այն, որ այս իշխանությունը, որոնք այստեղ այնտեղ ներկայացնում են ՀՀ-ն, այսօր զրկված են այդ լեգիտիմությունից և այդ մանդատից»,- ասել է Ալավերդյանը։

Անդրադառնալով ՊՊԾ պետի կողմից օպերատորի մասնագիտական գործունեությանը խոչընդոտելու դեպքին, որը զուգորդվել էր բռնության գործադրմամբ, ապա ՀՀ առաջին ՄԻՊ-ը նշեց, որ պահանջում է դատախազությունից քրեական գործ հարուցել՝ ՊՊԾ պետի նկատմամբ, օպերատորի հանդեպ նման կոպիտ պահվածք ցուցաբերելու համար։

Մանրամասները՝ տեսանյութում։

Աղբյուր` Փաստինֆո