Փաստ ինֆո

Նիկոլին հեռացնելուց հետո ձևավորվելու է ազգային համաձայնության կառավարություն, որը կլինի ժամանակավոր։ Այս մասին Ֆրանսիայի հրապարակում տեղի ունեցած բազմահազարանոց հավաքի ժամանակ հայտարարել է ՀՅԴ Հայաստանի ԳՄ ներկայացուցիչ Իշխան Սաղաթելյանը։

«Ազգային համաձայնության կառավարությունը չի լինի որևէ կուսակցության կամ անհատի կառավարություն, չի լինելու դաշնացկական, հանրապետական, քոչարյանական․ կամ որևէ մեկինը։ Այն լինելու է հայ ժողովրդի կարող ուժերից բաղկացած ազգային կառավարություն, որի մեջ ընդգրկվելու են ժողովրդի պրոֆեսիոնալ, կարող ուժերը, լավագույն զավակնեը, պրոֆեսիոնալ, ովքեր երկիրը դուրս կբերեն այս վիճակից»,-ասաց Սաղաթելյանը։

Սաղաթելյանը նշեց, որ շարժումն այսօրվանից ընդգրկում է նաև մարզերը, պայքարին միացել են հասարակական տարբեր խավերի ներկայացուցիչներ՝ գյուղացուց մինչև մտավորական։

Ժխտելով շրջանառվող թեզը, թե, իբր, իշխանափոխության դեպքում Հայաստանում իշխանափոխություն կլինի, Սաղաթելյանը նշեց․

«Պատերազմ կլինի, եթե Նիկոլը մնա իշխանության, քանի որ ինքն Ալիևին տված խոստումներ ունի․ ծնկի է եկել նրա առաջ։ Կամ մաս-մաս մեր երկիրը հանձնելու է, կամ տանելու է նոր պատերազմի ու այդպես հանձնի»,-ասաց Սաղաթելյանը և վստահեցրեց՝ եթե Նիկոլը գնա, իրավիճակը, իրոք, այլ է լինելու։

Աղբյուր` Փաստինֆո