Փաստ ինֆո

Իշխանության կողմից ստեղծվել են խմբեր՝ սադրանքների դիմելու համար։ Նման հայտարարությամբ է հանդես եկել ՀՅԴ Հայաստանի ԳՄ-ի ներկայացուցիչ Իշխան Սաղաթելյանը՝ կոչ անելով ոստիկանությանն ու ԱԱԾ-ին զբաղվել դրանցով։

«ԱԱԾ-ն և ոստիկանությունը եթե այդքան շատ մտածում են մեր երկրի անվտանգության մասին, ապա առաջինը պետական դավաճանության հոդվածով պետք է ձերբակալեն երկրի ղեկին նստած մարդուն, դրանով անվտանգության խնդիրը կլուծեն։ Ակնհայտ է, որ ԱԱԾ-ն ու ոստիկանությունը լուրջ ճնշման տակ են երկրի իշխանությունների կողմից։ Շատ հետաքրքրիր են նաև Նիկոլին սպասարկող և օտարածին միջոցներից սնվող աղբյուրները, որ երեկվանից վայնասուն են դրել՝ ինչո՞ւ ընդդիմությանը չեն կոտորում։ Այսինքն, ակնհայտ է, որ ճնշելու և դրդելու են, որ ԱԱԾ-ն և ոստիկանությունը ապօրինի միջոցներով քայլեր ու գործողություններ իրականացնեն ընդդիմության և խաղաղ ակցիաների դուրս եկած քաղաքացիների նկատմամբ», - հայտարարեց Սաղաթելյանը։

Ըստ ԱԺ փոխնախագահի՝ իշխանություններն ամեն ինչ անելու են որ ուժային կառույցներին ևս մասնակից դարձնեն ապօրինություններին․

«Նրանք պետք է տեղիք չտան դրան, մնան օրենքի և իրենց լիազորությունների շրջանակում։ Մեր սահմանադրական իրավունքն է դուրս գալ փողոց, մեր անհնազանդությունն ու խաղաղ բողոքի ակցիաներն իրականացնել։ Թող սադրանքի, Նիկոլին սպասարկող խունտայի ձեռքին գործիք չդառնան՝ հանուն մեր պետության, հանուն մեր երկրի ու հանուն իրենց ուսադիրների», - նշեց Իշխան Սաղաթելյանը։

Աղբյուր` Փաստինֆո