Փաստ ինֆո

Այսօր իրականությունն այն է, որ մեր ժողովուրդն իր ցասումն է արտահայտում։ Ակնհայտ է , որ չկա խաղաղություն, չկա կայունություն,թշնամին իր ագրեսիան շարունակում է արդեն Հայաստանի տարածքային ամբողջականության նկատմամբ, թշնամու զորքերը գտնվում են Հայաստանի սուվերեն տարածքում, ունենք զոհեր ու գերիներ, իսկ երկրի ղեկավարը շատ պարզ հայտարարեց, որ  Արցախի կարգավիճակի նշաձողը պետք է իջեցնել։ Այս մասին հրավիրված ասուլիսի ընթացքում ասաց ԱԺ փոխնախագահ, «Հայաստան» խմբակցության պատգամավոր Իշխան Սաղաթելյանը։

Ինպես նշեց քաղաքական գործիչը՝ Արցախի կարգավիճակի նշաձողի իջեցումն անընդունելի է, որովհետև դա Արցախի հայաթափում է նշանակում։

«Գլխավոր հարցը, որ անցնող շաբաթվա ընթացքում լուծել ենք այն է, որ միջազգային հանրությանը մեր ժողովուրդը հստակ մեսիջ է հղել, որ Նիկոլը չունի մանդատ՝ երկիրը նոր զիջումների տանելու։ Եթե իրենց թվում է, որ հայ ժողովրդին այլևս հետաքրքիր չէ Արցախը, անցնող մեկ շաբաթվա ընթացքում ժողովուրդը ցույց տվեց, որ դա այդպես չէ»,-ասաց Իշխան Սաղաթելյանը։

Ընդդիմադիր գործիչը հայտարարեց, որ իրենց խնդիրն է կազմակերպել ժողովրդի ցասումն ու ընդվզումը, ինչպես նաև կասեցնել երկիրը կործանման տանող իշխանությանը, և իրենք վաղվանից անցնելու են վճռական պայքարի՝ շատ կարևոր փուլի մեկնարկի։

«Դա անելու ենք հանրային ճնշման տակ. այդ պրոցեսն արդեն սկսված է», - նշեց Սաղաթելյանը։

Աղբյուր` Փաստինֆո