Փաստ ինֆո

Ժողովուրդն աստիճանաբար սկսում է հասկանալ, որ սա իշխանության և պաշտոն նվաճելու համար մղվող պայքար չէ, այլ ժողովրդի և պետականության փրկության համար մղվող պայքար։ Հենց այս է պատճառը, որ ժողովուրդն աստիճանաբար արթնանում է, իսկ ակցիաները, երթերն ու հրապարակները դառնում են բազմամարդ։ Այս կարծիքին է նախկին պատգամավոր Գևորգ Պետրոսյանը՝ Ազատության հրապարակում պատասխանելով «Փաստինֆո»-ի հարցերին։

Հարցին՝ անգամ եթե պայքարը գնում է իր հունով և դրա ընթացը գոհացուցիչ է, արդյո՞ք օրվա իշխանությունները պատրաստվում են վայր դնել զենքերը և հրաժարականներ ներկայացնել, Գևորգ Պետրոսյանը պատասխանում է՝ այս իշխանության յուրաքանչյուր անդամ, արդեն իսկ այնքան քրեական հոդված է շալակել, որ ինքնակամ երբևէ հրաժարական չի ներկայացնելու. «Գոնե այնքան ինքնասիրություն ունենա, որ հրաժարական տա ու մենք գեթ մի պատճառ ունենանք նրան գովելու, բայց ես նման ակնկալիքներ չունեմ, որովհետև թուրքասեր և թրքամեծար Նիկոլ Փաշին անինքնասեր է, նա երբեք ինքնակամ այդ քայլին չի գնա։ Որպես իրավաբան եմ ասում ՝ նա այնքան քրեական հոդվածներ է շալակել, ընդ որում՝ ծանր հանցագործություններ, որ շատ լավ է հասկանում՝ այն պահին, որ նա հրաժարական ներկայացրեց, նույն րոպեից քրեակատարողական հիմնարկում է հայտնվելու։ Եվ հենց սա պատճառը, որ նա ատամներով այսքան ամուր կառչել է պաշտոնից»,- ասում է նախկին պատգամավորը։

Խոսելով օրեցօր սաստկացող ոստիկանական բիրտ ուժի կիրառման դեպքերի մասին, Գևորգ Պետրոսյանը նկատում է՝ ինչքան ուժգնանում է ոստիկանի մահակն, այնքան մեծանում է Փաշինյանի վախն՝ առ այն, որ վերջը մոտ է. «Պատահական չէ, որ քաղաքական ռեպրեսիաների չեմպիոն, այսինքն՝ «ՔՌՉ» Նիկոլ Փաշինը հայտարարում է, թե ոստիկաններին բարձրագույն կրթություն պետք չէ։ Ով չգիտի, որ անգրագետ մարդուն ինչ ասես, այնպես էլ կանի։ Սա նրա համար է, որ այս ոստիկաններին, երբ ուզենա քսի տա մարդկանց վրա, նրանք էլ՝ սրբությունները ոտնատակ տալով, հարձակվեն մարդկանց վրա ու կոտորեն քաղաքացիներին, որովհետև գրել – կարդալ չգիտեն։ Նրանք Աստվածաշունչ չեն կարդացել ու չգիտեն ի՞նչ է տերունական աղոթքը…»,- Ազատության հրապարակից ասում է նախկին պատգամավոր Գևորգ Պետրոսյանը։

Մանրամասները՝ տեսանյութում

Աղբյուր` Փաստինֆո