Փաստ ինֆո

Մայիսի 1-ից օդային և ցամաքային ճանապարհով Հայաստան մուտք գործելու համար ՊՇՌ թեստ կամ պատվաստման սերտիֆիկատ չի պահանջվելու։ Այսօր Կառավարության նիստին հաստատվեց համապատասխան որոշումը։ ՊՇՌ թեստի և պատվաստման սերտիֆիկատի պահանջը հանվել է նաև մի շարք այլ վայրերում․ ՊՆ զինված ուժերում՝ արձակուրդից վերադառնալու դեպքում, տեսակցությունների ժամանակ,քրեակատարողական հիմնարկներում՝ տեսակցությունների ժամանակ։

Աշխատավայրում ևս մայիսի 1-ից չի պահանջվելու շաբաթը մեկ ներկայացնել ՊՇՌ թեստ կամ պատվաստման սերտիֆիկատ։
Մանկապարտեզներում, դպրոցներում և այլ վայրերում միջոցառումների ժաանակ 1,5 մետր հեռավորության սահմանափակումը ևս հանվել է։
Առողջապահության նախարար Անահիտ Ավանեսյանի խոսքով՝ սահմանփակումների հանան համար հիմք են հանդիսացել հիվանդացության և մահվան դեպքերի զգալի նվազումը։

«Վերջին 14 օրվա ընթացքում արձանագրվել է հիվանդության 144 դեպք, ինչը նախորդ տարվա նույն ժամանակահատվածի համեմատ նվազել է 32 տոկոսով։ Վերջին ամսվա ընթացքում զգալի նվազել են նաև մահվան դեպքերը․ 14 օրերի ընթացքում ընդամենը 1 մահ է գրանցվել»,-նշեց նախարարը։
Նախարարը նշեց, որ ամբողջական՝ երկու դեղչափով, պատվաստվել է ՀՀ բնակչության 44,1 տոկոսը, առաջին դեղաչափ ստացել է բնակչության 50 տոկոսը, իսկ 50 հազար քաղաքացի ստացել է նաև բուստեր դեղաչափ։

«Անկախ սահմանափակումների թուլացումից, աշխատելու ենք բոլոր հնարավոր միջոցներով խթանել պատվաստումները։ Դրանք շարունակելու են հասանելի լինել պոլիկլինիկաներում, շարժական կետերում, տնային այցերով»,- հավելեց Ավանեսյանը։

Աղբյուր` Փաստինֆո