Փաստ ինֆո

«Հայրենիք» կուսակցության նախագահ Արթուր Վանեցյանը Ազատության հրապարակում ամփոփելով պայքարի առաջին փուլի արդյունքները միացել է ջահերով երթին, որը մեկնարկել է Հանրապետության հրապարակից:

«Առաջին փուլում մեր առջև դրված նպատակին գրեթե 100 տոկոսով հասել ենք», - հայտարարել է Ա. Վանեցյանը` նշելով, որ 6 օր 24 ժամ Ազատության հրապարակը եղել է մարդաշատ, շփվել է հազարավոր մարդկանց հետ։

« Այդ շփումների արդյունքում այդ մարդիկ ինձ այնքան ուժ են տվել, որ արդեն որևէ կասկած չունեմ, որ մեր գործն արդար է, այն հաջողությամբ ավարտելու այլընտրանք չունի»,- հայտարարել է Արթուր Վանեցյանը` ընդգծելով, որ հասնելու են իրենց նպատակին, քանի որ թշնամուն զիջելու հայրենիք չունենք ։

«Այս շարժումը, որը սկսեցինք մենք, թափ է առնել ողջ հանրապետությունում, ապակուսակցական է, չկան կուսակցական դրոշներ, ընդգծված առաջնորդներ, բացառապես քաղաքական պայքար է, պայքար հանուն մեր մեծ հայրենիքի, մեր Հայաստանի ու Արցախի, մեր հայ ժողովրդի»,- ասաց ընդդիմադիր քաղաքական գործիչը։
Նա նշեց, որ այս պայքարն ապակենտրոն է, ցանցային, որն ունի մեկ նպատակ և այդ նպատակին արդյունավետ հասնելու համար խնդրում է բոլորին միանալ այս պայքարին։

Այնուհետեւ Ազատության հրապարակից երթով շարժվել ենՀանրապետության հրապարակ՝ միանալու համազգային ջահերով երթին դեպի Ծիծեռնակաբեդի հուշահամալիր։

Ապրիլի 24-ը հայտարարվել է լռության օր է, իսկ ապրիլի 25-ի առավոտյան կրկին հավաքվելու են Ազատության հրապարակում՝ ազդարարելու պայքարի երկրորդ փուլի մեկնարկը։

Աղբյուր` Փաստինֆո