Փաստ ինֆո

Ունենք իրավիճակ, երբ քաղաքական դատարկախոսությունը հանդիպում է ռեալ պոլիտիկին և ինքնադրսևորվում է խորը և համապարփակ զիջումների, ամեն ինչ տալու, հանձնվելու քաղաքական վարքի հետ, ինչը գործող վարչապետի պարագայում օրինաչափություն է։ Այս մասին «Փաստինֆո»-ի թղթակցի հետ զրույցում ասաց քաղաքագետ Ալեն Ղևոնդյանը՝ անդրադառնալով Փաշինյան-Պուտին հանդիպմանը և ՀՀ-ՌԴ համատեղ հայտարարությանը։

Ղևոնդյանը նախ հիշեցրեց հայ-ռուսական օրակարգը և հատկապես խաղաղապահների թեմայով Հայաստանում վերջին շրջանում հնչեցվող քննադատական թեզերը՝ առաջին դեմքերի, երկրորդ էշելոնի չինովնիկների մակարդակի դեմքերով, իսկ այն, ինչ ՌԴ-ում ստորագրվեց, փաստացի, ունենք երբ քաղաքական դատարկախոսությունը հանդիպում է ռեալ պոլիտիկին և ինքնադրսևորվում է խորը և համապարփակ զիջումների, ամեն ինչ տալու, հանձնվելու քաղաքական վարքի հետ, ինչը գործող վարչապետի պարագայում օրինաչափություն է։

Ինչ վերաբերում է բուն հայտարարությանը, ապա Ղևոնդյանն արձանագրեց, որ այն համակողմանի, ֆունդամենտալ հայտարարություն է և, մեծ հաշվով, կարող ենք արձանագրել, որ ռուսները Հայաստանում հասան իրենց մի շարք կարևոր նպատակներին, օրինակ՝ բիոլոգիական լաբորատորիաների վերաբերյալ հարցադրում կա, դրանք բնականաբար կփակվեն, արձանագրվեց, որ կողմերի տարածքները չի տրամադրվի երրորդ երկրների՝ միմյանց դեմ ինչ-որ գործողությունների համար, արձանագրվեց, որ հայ-թուրքական օրակարգի միջնորդը հանդիսանում է ՌԴ-ն։

«Արձանագրվեց, որ ցանկացած եվրոպական և արևմտյան հողեր, որոնք ցանկանում են ռեգիոնում ուժային հարաբերակցություն փոխել՝ առնվազն Արցախի և հայ-ադրբեջանական պրոցեսի մասով, մեծ հաշվով, իրատեսական չեն, որովհետև ռեգիոնը հանդիսանում է այս ռեգիոնի հիմնական դերակատար ՌԴ-ի շահերի կենսական ոլորտը։ Արձանագրվեց, որ Մինսկի խումբ, այնուամենայնիվ, կա»,- նշեց Ղևոնդյանը՝ հավելելով, որ ռուսների կողմից դա ժեստ էր՝ Մինսկի խմբի երկրների համար, որ, եթե ցանկանում են՝ կարող են միանալ։

Ղևոնդյանի դիտարկմամբ՝ այդ հայտարարությունը եկավ մուգ միջակետ դնելու՝ հայ-ռուսական հարաբերությունների ներկա փուլին և այլն էլեմենտներին, որ այդ թվում, Հայաստանի միջոցով նաև փորձում են Ռուսաստանին ռեգիոնից մղել, սակայն դրանից հետո Ռուսաստանի դերակատարումը ռեգիոնում մի քանի անգամ ավելանում է։

Աղբյուր` Փաստինֆո