Փաստ ինֆո

Շուտով մեր գլխին «բաբելոնյան կրակ է» թափվելու։ Պետք է բաց թողնենք այս չորս աղբամանները։ Այսքան պայքարել ենք, որ այսքան մեծ Եռաբլուր չունենայինք, այսքան թշվառ, սևազգեստ մայրեր ու կանայք չունենայինք։ Պետք է ձերբազատվենք սրանից։ Սա բավականին երկարատև աշխատանք է, բայց պետք է մաքրվել։ Այս մասին Ազատության հրապարակում իրականացվող ակցիայի ընթացքում «Փաստինֆո»-ի հետ զրույցում ասաց ազատամարտիկ Պավլիկ Մանուկյանը։

«Եթե մենք դա չանենք, կլինի «բաբելական աշտարակ»-ը և հայ ժողովրդի գլխին կթափվի բաբելական կրակ։ Այդ ժամանակ հազար մեր պես չի կարողանա այդ կրակը հանգցնել, որովհետև կլինի մեր թշնամու դարավոր երազանքը՝ մեր ինքնաոչնչացումը։ Բոլորին եմ խնդրում՝ թե՛ ոստիկաններին, թե՛ ընկերներին, թե՛ սպաներին, նույնիսկ՝ հանցագործ աշխարհին, որ կարողանանք այս գալիք արհավիրքը կանխել, վստահել այնպիսի մարդկանց, որոնք իրենց կենսագրությամբ ապացուցել են, որ վստահելի են։ Ժողովրդի մեջ ես հանցագործի չեմ հանդիպել, հանցագործ կյանքն է դարձրել։ Հակառակ դեպքում՝ մեր գլխին կգա «բաժանիր, որ տիրես» օրենքը, ինչին կհաջորդի՝ բաբելական աշտարակաշինությունը, չկա մարդ, չկա՝ պրոբլեմ»,- նշեց Մանուկյանը՝ ընդգծելով. «Մի քանի հոգու համար հո՞ չպետք է կրակն ընկնենք։ Այո, հանցագործ են, պետք է պատժվեն, բայց մի քանիսն են։ Կան ներելի և աններելի հանցագործներ, աններելիները մի քանիսն են, բայց մի քանիսի պատճառով ամբողջ Հայաստանը հրդեհի բերան չպետք է ընկնի»։

Մանրամասները՝ տեսանյութում

Աղբյուր` Փաստինֆո