Փաստ ինֆո

Առհասարակ, եթե դուք ձեզ համարում եք քաղաքական ուժ, իսկ ՀՀ-ն համարում եք ինքնիշխան երկիր, իր մյուս ատրիբուտներով, ապա ինքներդ իշխանափոխություն պիտի անեք բոլոր հնարավոր ու անհնար գործիքներով։ Այս մասին ֆեյսբուքյան իր էջում գրել է քաղաքագետ Ալեն Ղևոնդյանը։

«Անվճար խորհուրդ շարքից․

Եթե ձեզանից որևէ մեկը կարծում է, որ, ասենք, էս պարագայում ռուսները ՀՀ-ում իշխանություն են փոխելու ու դա ձեզ մատուցեն, դուք ամենաքիչը սխալվում եք։

Առհասարակ, եթե դուք ձեզ համարում եք քաղաքական ուժ, իսկ ՀՀ-ն համարում եք ինքնիշխան երկիր, իր մյուս ատրիբուտներով, ապա ինքներդ իշխանափոխություն պիտի անեք բոլոր հնարավոր ու անհնար գործիքներով։
Իսկ էդ ընթացքում արտաքին ուժերը և ոչ միայն ՌԴ-ն, իրենց համար կորոշեն, թե ով, ինչ հաջողությամբ ու անհաջողությամբ է գործընթացը վարում, ով իրապես, ոչ թե իմիտացիոն է պայքարում, ով ինչ քայլերի է պատրաստ ու հանուն ինչի և միայն այդ ժամանակ կոնկրետ կօգնեն կամ կդիստանցավորվեն։

Մոսկվա, Վաշինգտոն, Բրյուսել գնալով ու հետո այդ այցերը իբր «դաբրոներ» ներկայացնելով, ապա վերադառնալուց հետո ՀՀ-ի քաղաքական դաշտի, թիմակիցների ու հանրության վրա վաճառելն անիմաստ գործ է և առաջին հերթին խանգարելու է երկրում իրավիճակի փոփոխմանը, եթե, իհարկե, չի աշխատում «եթե մենք չենք լինի իշխանաթյուն, ուրեմն որևէ մեկը չպիտի լինի իշխանություն» սկզբունքը պետություն կորցնելու այս փուլում։

Պայքարը պետք է լինի մոբիլիզացիոն ու վերկուսակցական․ միայն այդ պարագայում, այն էլ ճիշտ քայլերի դեպքում ու կոմպրոմատներից չվախենալու պարագայում հաջողության կհասնեք։ Սխալների մասին էստեղ չեմ գրի, այլ պրոցես նախաձեռնողներին կասեմ անձնապես։

Մի բան էլ․ ով պետականազրկման պայքարի այս շրջանում կլինի դա Ազատության հրապարակ, ՖԲ, Հանրապետության հրապարակ կամ փողոցներ կմեջբերի «նախկինների» հետ կապված թեզեր, ուրեմն թաքնված նիկոլակայն է, կամ տգետ, որ էդ թեզերով ջուր է լցնում գործող իշխանությունների ջրաղացին»,֊գրել է Ղևոնդյանը։

Աղբյուր` Փաստինֆո