Փաստ ինֆո

Մենք ունենք երկու խնդիր. մեր հայրենակիցները մի մասը շատ անտարբեր նստած է Երևանի կենտրոնի սրճարաններում և չի պատկերացնում թե ինչ է կատարվում  Արցախում, Գեղարքունիքում, Սյունիքում, իսկ թշնամին չի վարանում և հանրային խոսքում անվերջ կրկնում են, որ Երևանն էլ է իրենցը, Սևանն էլ է իրենցը, և գալու են հասնեն Կասկադի սրճարաններ...եթե բոլորը հետևեն թե ինչ է ասում թշնամին, ամեն ինչ պարզ կլինի։ Ազատության հրապարակում այսօր ասաց «Հայաստան» խմբակցության պատգամավոր Արամ Վարդևանյանը՝ նշելով, որ Երբ որ Ալիևի հռետորաբանությանը հետևենք կտեսնենք, որ իրավիճակը ծայրաստիճան լուրջ է։

«Միջազգային հանցագործ Ալիևի հռետորաբանությունը, որ լսեք, դասական իմաստով այն նախագիծը, որ ներկայացրել էինք, որ Հայստանի տարածքային ամբողջականության և սահմանները ինչ-որ մեկը կասկածի տակ դնելու դեպքում պետք է ենթարկվի քրեական պատասխանատվության, այդ  հոդվածի տիրույթում էր գտնվում նրա հռետորաբանությունը։ Իհարկե այս իշխանությունները դեմ քվերակեցին այդ նախագծին, ինչն, իհարկե, ցավալի է։ Բայց, այնուամենայնիվ ցանկանում եմ նշել, որ իրավիճակն այդ աստիճան լուրջ է»,-ընդգծեց Վարդևանյանը։

Պատգամավորի գնահատմամբ՝ ՀՀ ներկայիս իշխանության քայլերից երևում է, որ ոչինչ չի կարողանում անել, անգամ՝ ցանկություն էլ չունի որևէ կերպ դիմադրելու։ Պատրաստ է զիջել և պատրաստ է ամեն գնով խաղաղության։ Իսկ այդպես անգամ կենցաղային մակարդակներում չի լինում։

«Մեր մյուս խումբ հայրենակիցներին ուզում եմ մի բան ասել, որ նրանց պարզապես ներկայությունն է ցանկալի. գալ, մասնակցել ցանկացած մի հավաքի, նստացույցի, դա շատ կարևոր է այս պահին։ Հենց ինքնին գալով անում են գործողություն։ Մեր հայրենաիկցները երեկ շատ արագ հավաքվել էին, ոստիկաններն էլ շատ արագ, իհարկե, արձագանքեցին՝ ընդհուպ մինչև վրան առևանգեցին, բիրտ ուժ կիրառեցին, բայց որևէ կերպ չկարողացան ընկճել մեր հայրենակիցներին։ Ես նույնիսկ նկատեցի, որ մարդիկ շատացան դրանից հետո։ Ես կարևորում եմ ցանկացած դիմադրության շարժում, ցանկացած անհամաձայնություն։ Սա այն իրավիճակն է, որ մեր հայրենակիցներին պետք է փոխանցենք իրողությունն ու պահի լրջությունը։ Սա այդ հնարավորություններից մեկն է»,-հայտարարեց Վարդևանյանը։ 

Աղբյուր` Փաստինֆո