Փաստ ինֆո

Այն հանագամանքը, որ Լուսավոր Հայաստան կուսակցությունն իր ղեկավարով հանդերձ երբևէ չի եղել ընդդիմություն՝ մենք վաղուց գիտեինք։ Այս մասին ֆեյսբուքում գրել է «Հայրենիք» կուսակցության խորհրդի անդամ Արսեն Բաբայանը.

«Բայց որ նրանք կհամաձայնեին իրենց՝ «հատուկ հանձնարարություններ կատարող» կարգավիճակին տալ պաշտոնական ձևակերպում, ստանձնելով հենց հատուկ հանձնարարություններով դեսպանի պաշտոնը, մտքովս չէր անցնի։ Կարողն էին գոնե այլ անվանումով պաշտոն խնդրել։

Որքան էլ մեր լուսահոգիները փորձում էին կոկորդ պատռելով պնդել, թե իրենք պաշտոնի համար չէ, որ պայքարում իրական ընդդիմության դեմ՝ փաստերն այլ բան վկայեցին։

Այս ամենի մեջ զավեշտալին այն է, որ մեր լուսահոգիներն, որ անգամ կառավարության մեջ լինելով իրավաբանորեն են դարձել իշխանություն, ամաչում են ընդունել, որ իրենք հենց մաքուր իշխանություն են։ Փաստորեն այս իշխանությունն այնքան վատն է, որ անգամ լուսահոգի կուսակցության ներկայացուցիչներն են փորձում իրենց վրայից հանել այդ խարանը։ Հավանաբար կարծում են, որ իրենք իշխանություններից ավելի լավն են, սակայն վստահ պնդում եմ, որ իրենք իշխանությանն առնվազն հավասար հայակործան են։

Հանրայինի եթերում Անիի հետ բանավեճ ենք ունեցել։ Շատ ցավում եմ, որ կուսակցությունում ընդամենը մեկ դեսպանի պաշտոնը կարող է այսքան կուրացնել Անիին։ Նախկին Անին միանգամայն այլ մտածողություն ուներ։ Հաճախ նույնիսկ շատ տեղին և կոշտ քննադատություններ էր հնչեցնում իշխանության այն սխալների մասին, որոնք հիմա նա բացահայտ պաշտպանում է։ Նա բացահայտ հերքում է անհերքելին։ Նա բացահայտ պաշտպանում է այս իշխանության հայակործան քաղաքականությունը։

Ի դեպ, Հանրայինի լրագրող Աննա Դանիելյանը թեև մի քանի անգամ փորձեց խանգարել ինձ, բայց հարկ եմ համարում արձանագրել, որ իր գործի գիտակն է»։

Աղբյուր` Փաստինֆո