Փաստ ինֆո

ՔՊ-ի սիրած թեզն է՝ մենք ունենք բանակցելու մանդատ, սուտ ե՛ք ասում, դուք չունե՛ք մանդատ՝ Ադրբեջանի կազմում Արցախ տանելու, որովհետև Վիգեն Խաչատրյանի երեկվա զեղումը, թե սխալ էր որոշումը, որ Արցախը երբեք չի լինելու Ադրբեջանի կազմում, հակասում է իրենց նախընտրական ծրագրին: Խորհրդարանական ճեպազրույցների ժամանակ հայտարարեց «Պատիվ ունեմ» խմբակցությանքարտուղար Հայկ Մամիջանյանը.

«ՔՊ-ի խունտան խաբել է մեր հասարակությանը, նրանք մանդատ ստացել են խաբեությամբ , ասում էին, որ բանակցելու են երեք սկզբունքների տրամաբանությամբ ֆիքսված բանակցային դիրքերից, իսկ հիմա խոսում են բանակցային այլ տրամաբանությամբ, այնպես որ, այն թեզը, թե մանդատ ունենք, սո՛ւտ է, դուք մանդատ չունե՛ք »,-հայտարարեց Մամիջանյանը:

Անդրադառնալով Փաշինյանի հայտարարությանը, թե միջազգային հանրությունը պահանջում է Հայաստանից Արցախի կարգավիճակի հարցում իջեցնել նշաձողը, Մամիջանյանը հարց բարձրացրեց՝ ինչպե՞ս է ստացվում, որ տարիներ շարունակ միջազգային հանրությունը Հայաստանի հետ համակարծիք էր, իսկ Փաշինյան հիմնական բանակցողի պարագայում պահանջում է իջեցնել մեր ակնկալիքները.
«Սա կամ բացահայտ սուտ է, որով Փաշինյանը փորձում է իր մեղքը գցել «միջազգային հանրություն» անհասկանալի տերմինի վրա, կամ էլ իր պատկերացրած միջազգային հանրությունն այլ է»,-ասաց նա:

Հայկ Մամիջանյանը անդրադարձավ Նիկոլ Փաշինյանի մեկ այլ հայտարարությանը, թե Շուշին և Հադրութը մշտապես եղել են բանակցային սեղանին.

«Շուշին և Հադրութը երբևէ չեն եղել բանակցային սեղանին: Նրանք փորձում են արծարծել, թե Ադրբեջանի համար հայանպաստ լուծումները երբևէ ընդունելի չեն եղել, ևս մեկ անգամ վերահաստատում եմ՝ մեզ չէր էլ հետաքրքրում, որ դրանքընդունելի լինեն Ադրբեջանի կողմից, մենք բանակցում էին համանախագահների հետ, որոնք հետագայում պարտադրելու էին Ադրբեջանին հնարավորինս հայանպաստ լուծում»,-ասաց նա:

Աղբյուր` Փաստինֆո