Փաստ ինֆո

ՀՀ վարչապետը երեկ ԱԺ ամբիոնից հայտարարեց, որ չի կարողանում կանգնեցնել Արցախը Ադրբեջանին հանձնելու գործընթացը և սկսեց հիմնավորել դա՝ խեղաթյուրելով փաստերը, զարմանալի չէ նրա կեցվածքը, զարմանալի է և բանականությունից դուրս, որ նա դեռ ՀՀ վարչապետն է: ԱԺ արտահերթ նիստին ելույթի ժամանակ ասաց Արցախի ԱԺ պատգամավոր Մետաքսե Հակոբյանը:

Նա ընդգծեց՝ Փաշինյանին պետք է կանգնեցնել, թույլ չտալ որ նա բանակցի և միանձնյա որոշումներով վերջնականպես կործանի Արցախը և Հայաստանը.

«Այս մարդը կարծում է, որ խաղաղության մասին անդադար խոսելով, հայրենիք հանձնելով, հային զոհելով, կարողանալու է խնդիրներ լուծել և խաղաղություն հաստատել: Որևէ մեկը չի կարող դատել և դատապարտել մեր պայքարը՝ հանուն մեր ու մեր սերունդների արժանապատիվ ապրելու, այն միայն հաղթանակի արդյունք է, բայց սա բնավ չի նշանակում պատերազմ կամ մատաղացու դառնալ, ինչպես ներկայացնում է ՀՀ վարչապետը, որը երեկ խոստովանեց, որ հազարարավոր զոհերի հանգեցրած որոշման հեղինակ է դարձել»,-ասաց Հակոբյանը:

Աղբյուր` Փաստինֆո