Փաստ ինֆո

«Քաղաքացիական պայմանագիր» խմբակցության պատգամավոր Վահագն Ալեքսանյանը «ցնցված է» 9-րդ դասարանցի ալավերդցի աղջկա խոսքերից.

«Վերջերս խորհրդարան այցելած 9-րդ դասարանցի մի աղջնակ միտք ասաց, որը դաջվել է ուղեղումս, ասաց՝ մենք հասկանում ենք, որ ինչ գաղափար էլ ունենանք, դա չի կարող կատարվել՝ առանց խաղաղության, հետո նույն աղջնակը հարցրեց՝ ի՞նչ առաջընթաց կա Թուրքիայի հետ բանակցություններում:  Նա ասաց՝ ես հասկանում եմ, որ անկախ պետությունը ինքը պետք է խոսի բոլորի հետ: Ես երեկվանից մտածում եմ՝ ինչպե՞ս է լինում, որ 9-րդ դասարանցի աղջնակը այսքանը հասկանում է, բայց տարիների քաղաքական կենսափորձով մարդիկ դա չեն հասկանում, չեմ կարողանում ընկալել սա, այստեղ եզրահանգում ենք՝ հասկանում են, բայց չեն կարող առանց ծայրահեղ պոպուլիստական, ռազմահայրենասիրական ելույթներով լեգիտիմության ինչ-որ քանակ ապահովել իրենց համար, չէին կարող, քանի որ այս մարդկանց իշխանության գալու ժամանակին միակ չարչրկված, անտրամաբանական և իրականություն չհանդիսացող խաղաթուղթը եղել է Արցախը:

Եղել է այն, որ իրենք մեր քաղաքացիներին փորձել են բացատրել՝ որ իրենք վատն են, բայց, իրենց վատը լինելով հանդերձ, ունեն առաքելություն՝ պահպանել Արցախը, Արցախի հարցը լուծել փաթեթային տարբերակով ու լուծել Արցախի վերջնական անկախ կարգավիճակով, սա ասվել է մեր քաղաքացիներին»,-ԱԺ-ում ելույթի ժամանակ ասաց Ալեքսանյանը:

Լուսանկարը՝ ԱԺ-ից։

Աղբյուր` Փաստինֆո