Փաստ ինֆո

Նիկոլ Փաշինյանն Ազգային ժողովում հայտարարեց, որ  պատերազմի ժամանակ թույլ տված բացթողումները դեռ ամբողջությամբ չեն ուսումնասիրել:

Նա հայտարարեց, թե 2018 թվականի հեղափոխությունից հետո բանակում և ՊՆ-ում իրենց քաղաքական թիմից որևէ մեկին պաշտոնի չեն նշանակել:

«Նախարարը եղել է նախկին կառավարության անդամ՝ Սերժ Սարգսյանի կառավարության անդամ, նախկինում նախարարի առաջին տեղակալ է եղել, հեղափոխության պահին արտակարգ իրավիճակների նախարար, մենք մեր քաղաքական թիմից մի հոգու չենք նշանակել ՊՆ-ում, բանակում։ Բանակը մի ուրիշ ընտանիք է ու պետք չէ շատ մտնել այդ ընտանիքի ներքին հարցերը խառնել»,-ասաց Փաշինյանը:

Նա նաև հայտարարեց, որ 44-օրյա պատերազմից ընդամենը մի քանի օր հետո է իմացել, որ բանակում կա սաղավարտի ու զրահաբաճկոնի խնդիր.

«Բա մենք 100 միլիոնավոր դոլար էինք տալիս, զենք էինք առնում, դժվա՞ր էր սաղավարտ կամ զրահաբաճկոն ձեռք բերել, այս ամենը համակարգային խոցեր են ու ես կարծում եմ, որ մենք պետք է մինչև վերջ գնանք ու պարզենք՝ ինչն ինչոց է», - ասաց Փաշինյանը:

Աղբյուր` Փաստինֆո