Փաստ ինֆո

«Քաղաքացիական պայմանագիր» խմբակցության ղեկավար Հայկ Կոնջորյանը խորհրդարանական ընդդիմության` Արցախ մեկնելն ու ԱԺ նիստերին չմասնակցելը համարում է ոչ թե Արցախին պաշտպանող քայլ, այլ՝ սադրող.

«Արցախի դրոշը Հայաստանի տարբեր տեղերում տեղադրելու տրամաբանությունը ես չեմ հասկանում, Արցախի դրոշն ու Արցախը բոլորիս սրտերում և մտքերում է։ Բոլոր միջխորհրդարանական հարթակներում, որտեղ ընդդիմությունը պետք է գա և բարձրացնի Արցախի շահերը և ի ցույց աշխարհի ու ընդդեմ Ադրբեջանի վեր հանի Արցախի դրոշը, նրանք չեն գալիս: Այսօրվա խորհրդարանական ընդդիմությունն իր այս քայլով ոչ թե պաշտպանում է Արցախը, այլ սադրում է, ավելի է սրում Արցախի և հայության անվտանգային խնդիրները, և օգտագործում Արցախի հարցը բռնի իշխանազավթում և հեղաշրջում իրականացնելու համար»,–ասաց Հայկ Կոնջորյանը և հայտարարեց, թե խորհրդարանական ընդդիմությունը պատերազմի մունետիկն է:

Ըստ ՔՊ խմբակցության՝ ընդդիմությունը օգտագործում է Արցախի հարցը և անվտանգային խնդիրները Հայաստանում հեղաշրջում իրականացնելու համար.

«Նրանք այսօր խրամատավորվում են Արցախի ներքաղաքական կյանքում, նորից հերթական ներքաղաքական, ներհայաստանյան ինտրիգները գեներացնելու համար: Եվ դա մենք մեր ժողովրդի հետ թույլ չենք տալու»,-եզրափակեց Կոնջոյանը:

Աղբյուր` Փաստինֆո