Փաստ ինֆո

Լևոնանիկոլականների համառ ջանքերով 2008-ի գարունը մարտի մեկով աղճատելուն հաջորդող բոլոր գարունները նրանք փորձել են աղճատել ու փչացնել։ Ի վերջո, հաջողեցին 2018-ին։

Վստահաբար, շատերն են հիշում 2015-ի գարնան սկզբին տերպետրոսյանական կոդավորված մտքերը՝ ուղղված ներսուդրսայինների գունավոր հեղափոխության հետևանքով այսօր Հայաստանը զավթած կոսմոպոլիտ, թրքասեր իշխանությանն ու նույն ուժերի «հոգեպահուստ»- ահաբեկչական ուժերին։

ՀՀ 1-ին նախագահը 2015-ին միտինգային հարթակից իր մարդկանց հրահանգավորում էր՝ «Դավալուից ցախավելը հեծած, մեկ պլյուս մեկ քայլերգը շուրթերին և Պուտինի -հրաժարականի պահանջը կրծքի տակ, հասնում են Ազատության հրապարակ, ինքնահռչակվում որպես նոր բևեռ և ստորագրում Քաղաքացիական պայմանագիրը , և շարժվելով դեպի Բաղրամյան 26՝ կյանքի կոչում հարյուրամյակն առանց ռեժիմի կարգախոսը։ Սա Բեռլինի գրավումից ավելի հանճարեղ պլան է»։

Նրա կոդավորված մտքերը վաղուց վերծանված են և վաղուց ձևավորված են քաղաքացիական պայմանագիրն էլ, նոր բևեռն էլ։ Վերջինս, ի դեպ, արդեն նույն՝ 2015-ի ապրիլին հարյուրամյակն առանց ռեժիմի կարգախոսով շարժվում էր դեպի Արցախ, փառք, Աստծո, Արցախ չհասավ, արցախցին ճանապարհից հետ տվեց նրանց։ Ո՞վ գիտե, գուցե այդ օրվանից են նրանք ոխակալ Արցախի և Արցախի հանրապետության դրոշի հանդեպ։ Ինչևէ, այդ օրերից շատ ջրեր են հոսել, բևեռածռերն ու նիկոլաքաղպայմանագրայիններն էլ որպես նույն արևմտյան աղբյուրից սնվող ուժեր պարբերաբար իրար արտաքուստ հրմշտելով, իրականում՝ Պուտինի -հրաժարականի պահանջ- պասերով առաջ են շարժվել։ Մեկ ծռերն են Նիկոլին խոսքով աղբարկղ նետել, մեկ Նիկոլն է նրանց բանտ նետել, բայց անհրաժեշտ պահին իրար փոխարինելով առաջ են գնացել ու դեռ գնում են։ Միայն թե՝ որևէ ժամանակ նրանց ընթացքը հանուն Հայաստանի չի եղել։

Հասկանում եք՝ նման փաստ մինչ օրս չկա։

Այլ փաստեր, անշուշտ շատ կան, մանավանդ, նրանք երկուսն էլ Հայաստանում քաղաքական հոգեորսությամբ են զբաղված։ Ընդ որում, եթե քաղպայմանագրայինների որսը տարբեր ոլորտներում զբաղված կոսմոպոլիտ- բջիջների շրջանում է, ապա՝ բևեռածռայինների թիրախում են հումանիտար, մշակութային, պատմահայագիտական շրջանակները։ Անշուշտ, հին և նոր սփյուռքն այստեղ լուրջ դերակատարում ունի, քանի որ հոգիներ որսացողները հատկապես հին սփյուռքի ներկայացուցիչներին նրանց ականջին հաճո խոստումներ են տալիս պարբերաբար։

Այդ խոստումներն, իհարկե, ինչպես նախկինում, այսօր էլ դատապարտված են կեսճանապարհին մնալու։

Ի դեպ, ավելորդ չէ ասելը, որ օտար աղբյուրներից, այդ թվում՝ նաև թուրքական, սնվող այս ուժերը հոգիներ որսացող աղանդավորական միավորներ են հիշեցնում՝ որոնց երկուսին էլ հատուկ է՝ աղմկարարությունն ու հարայ-հրոցը, մի դեպքում՝ քաղաքացիական դըմփ-դըմփ- հու ոճով, մյուս պարագայում՝ ընդհուպ՝ ահաբեկչական․․․

Աղբյուր` Փաստինֆո