Փաստ ինֆո

Երբ լսում ենք թրքահաճո բարբաջանքներ առ այն,որ թուրք-ադրբեջանական հայասպան տեռորիստական ոհմակի հետ հնարավոր է բացել «խաղաղություն դարաշրջան» , միանգամից հարց է առաջանում․ Իսկ ինչո՞վ է պայմանավորված թուրքալեզու քոչվոր ցեղերի անասնական ատելությունը մեր հանդեպ։ Այս մասին ֆեյսբուքյան իր էջում գրում է ԲՀԿ քաղխորհրդի անդամ Արման Աբովյանը։

«Ինչո՞ւ են իրենք մեզ հետեւողականորեն,տասնյամյակներ ի վեր սպանում։

Ինչո՞ւ։

Պատասխանը ակնհայտ է․ մենք եղել են և կմնանք իրենց համար օտար և թշնամական էլեմենտ իրենց կողմից որդեգրված տարածաշրջանային գերակայության քաղաքականություն ներքո։

Մենք չենք ատելություն գեներացնում, այլ մեզ են ատում։Մենք չենք սպանդի և ցեղասպանության հեղինակները, մեզ են կոտորում։Մենք չենք դրել նպատակ «մաքրել» տարածաշրջանը «անցանկալի էթնիկ տարրերից» այլ մեզ են վերացնում։

Մարաղայի ցեղասպանությունը այն խտացված ապագայի պատկերն է ,որը իր հետ ԱՆԽՈՒՍԱՓԵԼԻ բերելու են թուրքերի և ադրբեջանցիների հետ «բարիշելու» փորձերը։
Իսկ ովքեր հոգնել են դիմադրությունից և երազում է հայասպանների հետ «պաչպռոշտի» անել ,փաստացի նախապատրաստում են բազմաթիվ «մարաղաներ» իրենց քաղաքներում և գյուղերում։
...
Մարաղայի կոտորած, հայ ազգաբնակչության մասսայական կոտորած, ջարդեր Արցախի Հանրապետության Մարտակերտի շրջանի Մարաղա գյուղում, որն իրականացվել է Ադրբեջանի Հանրապետության զինված ուժերը 1992 թվականի ապրիլի 10-ին։ Ադրբեջանցիների կողմից սպանվել է ավելի քան 50 հայ, այդ թվում՝ 30 կին, պատանդ է վերցվել շուրջ 50 հայ, այդ թվում՝ 9 երեխա և 29 կին։
...
Աստված լուսավորի բոլոր անմեղ զոհերի հոգիները»,- գրել է Աբովյանը։

Աղբյուր` Փաստինֆո