Փաստ ինֆո

Ընդդիմությունը փորձում է մեծ թվով մարդիկ հանել փողոց և սթափեցնել՝ Հայաստանի Հանրապետության վարչապետի պաշտոնը զբաղեցնող կապիտուլյանտին, որպեսզի վերջինս բրյուսելյան հանդիպման ընթացքում՝ ամսի 6-ին, ժողովրդի թիկունքում դավադիր և ազգակործան համաձայնության չգա մեր թշնամու հետ, ինչպես ինքը սովոր է անել,- «Փաստինֆո»-ի հետ զրույցում նման կարծիք է հայտնել Շիրակի համալսարանի դասախոս Գագիկ Համբարյանը։

Վերջինս, սակայն, լուրջ մտավախություներ ունի. «Չեմ կարող ասել, որ, նույնիսկ, ընդդիմության կողմից մասսայական հավաքների դեպքում «Նիկոլ անհողը» զերծ կմնա թշնամու հետ դավադիր պայմանավորվածությունների գնալու գործից։ «Ի դեմս Նիկոլ Փաշինյանի` մենք գործ ունենք տարրական հակապետական գործչի հետ, ով իշխանության գալուց ի վեր, անում է ամեն ինչ՝ կործանելու Հայաստանի պետականությունն ու Արցախը։ Իր նպատակին հասնելու համար, նա, ընդհանրապես, հրաժարվել է Արցախի հարցից` բարդելով այն միջազգային ֆիգուրների ուսերին, ինչպիսիք, օրինակ, Ռուսաստանի Դաշնությունն է», - նկատել է գործիչը։

Նիկոլ Փաշինյանը կառավարության նիստում հայտարարել է, որ «Խաղաղության պայմանագիրը» մտադիր է քննարկել Ալիեւի հետ՝ ապրիլի 6-ին Բրյուսելում՝ ԵՄ-ի հովանու ներքո, նախատեսված եռակողմ հանդիպման ընթացքում: Գագիկ Համբարյանն ընդգծում է՝ եթե այդ հանդիպումնն, այնուամենայիվ, տեղի ունենա, ապա ինքը մեկ վայրկյան անգամ չի կասկածում, որ դա հայկական կողմի համար կործանարար հետևանքներ է ունենալու. «2020 թվականի նոյեմբերի 9-ից ի վեր, Ալիև - Փաշինյան հանդիպումներից որևէ մեկն ի նպաստ Հայաստանի կամ Արցախի ավարտվե՞լ է։ Իհարկե ոչ։ Այս մեկն, արդեն, վերջնական և ճակատագրական է լինելու։ Խայտառակ ու ամոթալի կապիտուլացիայի ենթարկված, թշնամու կողմից նսեմացված և թուրքի դեմ ծնկած վարչապետը չի կարող հայանպաստ որևէ ձեռքբերում գրանցել նմանատիպ հանդիպումների ընթացքում և ինքը սա շատ լավ հասկանում է։ Փաշինայնն այս ամենը քաջ գիտակցելով է գնում այդ գործարքներին, որովհետև պարտավոր է իրականացնել դասական գունավոր հեղափոխության միջոցով իրեն իշխանության բերած ուժերի՝ իր քաղաքական հայրերի հրահագները, իսկ իշխանության, ինչպես գիտենք, նրան բերել է թուրք ադրբեջանական տանդեմը։ Իր տարօրինակ ժեստերով, նյադային ջղաձիգ շարժումներով, կամ Ալիևի ուղղությամբ նետած շեշտակի թարս հայացքներով նա կարող է տպավորություն թողնել միայն իրեն երկրպագող ժեխ փթիրների վրա և ոչ ավելին։ Էլ չասենք, որ Ալիևի համար այդ ամենն ուղղակի զվարճալի է։ Սա է մեր իրականությունը», - նշել է նա։

Երկրի ներսում ստեղծված իրավիճակի համար, բայցի ընդդիմության ցուցաբերած անկազմակերպ վարքից, Գագիկ Համբարյանը մեծապես մեղադրում է նաև սեփական բնորոշմամբ՝ իներտ դարձած հասարակությանը.«Գիտե՞ք, ես արդեն սարսափում եմ այս հասարակության ապատիկ վերաբերմունքից։ Մեր հասարակության մի զգալի հատված, բացարձակապես, զուրկ է պետական մտածելակերպից։ Զուտ ստամոքսի պարունակության մասին մտածող և բացարձակ դավաճանական գաղափարախոսության կրող մեր հասարակության մի զգալի հատված իր մեղքի անասելի բաժինն ունի՝ ստեղծված իրավիճակի համար։ Ես ապրում եմ Գյումրիում և սարսափով արձանագրում եմ, որ կա մի ստվար զանգված, որ կարող է ինձ հետ բանավիճել՝ ապացուցելու համար, թե, օրինակ, Արցախը հայապատկան հող չէ։ Սա անասնական մասսայի մի դրսևորում է, որն ուզում է ապացուցել, թե իբր, Արցախը հայապատկան չէ։ Ի՞նչ ասես այստեղ…»։

Անդրադառնալով ընդդիմության որդեգրած քաղաքականությանը, Գագիկ Համբարյանը նկատում է՝ մյուս կողմից, ընդդիմությունը ևս ունի իր մեղքի բաժինը, որովհետև խայտառակ պարտությունից հետո չկարողացավ ճիշտ կերպով մոբիլիզացնել իր ուժերն ու հնարավորությունները՝ դուրս շպրտելու համար Փաշինյանին իշխանության ղեկից. «Սկսենք նրանից, որ ես, ի սկզբանե, դեմ էի, որպեսզի ընդդիմությունը գնար 2021-ի խայտառակ ընտրություններին, այսպիսով՝ լեգիտիմացնելով կապիտուլյանտ իշխանությունը, բայց ունենք այն, ինչ ունենք։ Նորից կրկնելով ասեմ՝ այո, ունեմ խորը և լուրջ մտավախություն, որ ընդդիմության կազմակերպված այս հավաքները, նույնպես, հերթական ձախողված ակցիաներն են դառնալու, որից հետո մեր հասկարության ներսում, արդեն, անդառնալի փլուզումներ կլինեն»։

Ամփոփելով զրույցը Գագիկ Համբարյանը նկատում է՝ չմոռանանք, որ մեր սահմաններին՝ թե՛ Արցախում, թե՛ Հայաստանում, պատերազմի վերսկսման վտանգը օրհասական է.«Այսպիսով, ի՞նչ նպատակ կարող են հետապնդել ընդդիմության կազմակերպած փողոցային հավաքները, եթե կա հերթական արյունալի պատերազմի բռնկման ռեալ վտանգ, որը, կասկած չունեմ, ավարտվելու է ճիշտ նույն սցենարով, ինչ տեղի ունեցավ 44 օրյա պատերազմի օրերին։ Այսինքն՝ Նիկոլ անհողը կրկին հայտարարելու է, որ կյանքեր փրկելու դիմաց ինքը գնում է Բրյուսել՝ ստորագրելու թշնամու կողմից մեզ պարտադրված ազգակործան փաստաթուղթն, այսպես կոչված՝ Խաղաղության պայմանագիրը, արդեն ոչ թե հերթական, այլ վերջանական խաչ քաշելով Արցախի և Հայաստանի Հանրապետության լինելիության վրա, առհասարակ»։

Աղբյուր` Փաստինֆո