Փաստ ինֆո

Արցախի ՊԲ-ին մինչև այդ ռուսական կողմը առաջարկել էր հանել դիրքերը՝ ասելով, որ այդտեղ պոստ պահելու կարիք չկա՝ երկու կողմն էլ հեռացնում են։ Բայց պարզվել է, որ հետո ադրբեջանցիները եկել են այդտեղ նստել։ Այս մասին լրագրողների հետ զրույցում ասել է Արցախի ԱԽ նախկին քարտուղար, «Ազատական» կուսակցության հիմնադիր Սամվել Բաբայանը։ 

«Ռուսական կողմ այդտեղ չի եղել։ Ռուսական կողմը հիմա գնացել է, որ այդ հարցերը կարգավորվի»,- նշել է Բաբայանը։

Հարցին՝ բնագիծն այդ պահին անտե՞ր է թողնված եղել, Բաբայանը պատասխանեց՝ նշելով, որ ընդհանրապես բնագիծ գոյություն չունի ոչ միայն այդտեղ, այլև՝ շատ տեղերում։

«Իմ ունեցած տեղեկություններով՝ երկու կողմերը՝ և հայերը, և ադրբեջանցիները պայմանավորվել են, որ այդտեղից հանում են իրենց դիրքերը։ Եթե չեմ սխալվում՝ մեկ շաբաթ առաջ, ռուսական կողմից առաջարկ է եղել, հեռացել են այդտեղից»,- ասաց նա՝ հավելելով, որ առաջարկը եղել է Խրամորթ գյուղում տեղի ունեցած միջադեպերից հետո։

Դիտարկմանը՝ առաջարկն ընդունելը որքանով էր բխել մեր շահերից, եթե մեկ շաբաթ առաջ կրակում էին հայկական գյուղերի ուղղությամբ, Սամվել Բաբայանն արձագանքեց. «Տեղում իրավիճակը, ով կառավարում է, իրեն պետք է հարցը տաք, ոչ թե՝ ինձ։ Դիմեք ՊՆ»։ Վերջինս նշեց, որ որևէ կապ չունի ՀՀ իշխանությունների հետ, որևէ քննարկում պաշտպանության հարցով՝ իշխանություններն իր հետ չեն անում։

Աղբյուր` Փաստինֆո