Փաստ ինֆո

Խորհրդարանական ճեպազրույցի ժամանակ միջադեպ տեղի ունեցավ «Քաղաքացիական պայմանագիր» խմբակցության պատգամավորների և լրագրողի միջև:

Լրագրողը հարց ուղղեց ՔՊ-ականներին՝ որո՞նք են այն կարմիր գծերը, որոնք այս իշխանությունը չի հատի՝ Ադրբեջանի և Թուրքիայի հետ բանակցություններում, նաև հարցրեց ինչու՞ են իշխանությունները խուսափում հստակ հայտարարել, որ Արցախը երբեք որևէ կարգավիճակով չի լինելու Ադրբեջանի կազմում:

ՔՊ-ական պատգամավորները խուսափեցին պատասխանել հարցերին, լրագրողն էլ կրկնեց հարցը, ինչը բարկացրեց պատգամավորներին.

«Այլևս կարմիր գծեր չեն մնացել ձեր վերաբերմունքում, հստակ պետք է մի բան հիշենք, որ Ադրբեջանը, Թուրքիայի աջակցությամբ ագրեսիվ պատերազմ նախաձեռնելով, հասել է որոշակի «հաջողությունների», էթնիկ զտման տարբեր դրսևորումների է դիմում, այս պայմաններում՝ ներքին կոնսոլիդացիայի փոխարեն, մենք տեսնում ենք հինգերորդ շարասյանը բնորոշ հայտարարություններ, նրանց նպատակը ամեն գնով պետականությունը թուլացնելն ու իշխանության հասնելն է»,-ասաց Վարդանյանը և բարկացած լքեց ճեպազրույցի սրահը:

Աղբյուր` Փաստինֆո