Փաստ ինֆո

Արցախցին իր հողը չի թողնելու։ Ադրբեջանը թող դա հասկանա՝ արցախցին ապրել ու ապրելու է Արցախում,- Ստեփանակերտում տեղի ունեցած ակցիայի ժամանակ հայտարարել է արցախցի Արմինե Ավագիմյանը։

«Արցախում ստեղծված հումանիտար ճգնաժամի մասին տեղյակ է ամբողջ աշխարհը, բայց ոչ որևէ քայլ չի ձեռնարկվում, բոլորը միայն մտահոգված են, ինչ – որ կոչեր են հնչեցնում, իսկ սայլը տեղից չի շարժվում։ Սա կյանքի և մահվան պայքար է, բայց մենք Արցախից չենք հեռանալու»,- ընդգծել է արցախցի կինը, ով երկու մանկահասակ երեխաների հետ այսօր Ստեփանակերտի մանկական հիվանդանոցի մոտ խաղաղ հավաքի է մասնակցում՝ պահանջելով միջազգային կառույցներին պարտադրելու Ադրբեջանին վերականգնել Արցախում գազի մատակարարումը։

Արդեն օրեր շարունակ հումանիտար աղետի մեջ հայտնված արցախցի կանայք, իրենց երեխաների հետ միասին, դուրս են եկել Արցախի փողոցներ՝ բարձրաձայնելու, որ արցախցին ունի նույն հավասար իրավունքները, ինչ մնացած երկրների քաղաքացիները, Արցախում ապրող և մեծացող երեխաներն էլ պետք է ունենա ապահովության նույն երաշխիքներն, ինչ ունեն աշխարհի տարբեր երկրում ապրող երեխաները.«Անթույլատրելի և դատապարտելի է բնակիչների նկատմամբ այսպիսի ահաբեկչություն իրականացումը, Ադրբեջանի ագրեսիայի հետեւանքով մենք հայտնվել ենք անելանելի վիճակում։ Չկա որեւէ կառույց, որը կստիպի ագրեսորին վերջ տալ իր այս գործողություններին։ Մենք միջազգային կառույցներից պահանջում ենք, որպեսզի անհապաղ զբաղվեն Արցախի բնակիչների անվտանգությամբ, սա միայն կենցաղային խնդիր չէ»,– հայտարարել է խաղաղ ակցիայի մասնակիցներից մեկը։

Աղբյուր` Փաստինֆո