Փաստ ինֆո

ՄԱԿ-ի Գլխավոր գագաթաժողովը հակառուսական բանաձև է ընդունել Ուկրաինայի հումանիտար իրավիճակի վերաբերյալ, հայտնում է ՌԻԱ Նովոստին:

Բանաձեւի համահեղինակներն են մի շարք երկրներ, այդ թվում՝ ԱՄՆ-ը, Ուկրաինան, Մեծ Բրիտանիան, Վրաստանը, Գերմանիան, Լիտվան, Լատվիան: Փաստաթուղթը պատրաստվել է այն բանից հետո, երբ Մեքսիկան և Ֆրանսիան չկարողացան հասնել ՄԱԿ-ի Անվտանգության խորհրդում իրենց բանաձևի ընդունմանը։ Բանաձեւի օգտին քվեարկել է 140 պետություն, ձեռնպահ է մնացել 38-ը, դեմ են եղել Բելառուսը, Էրիթրեան, ԿԺԴՀ-ն, Ռուսաստանը եւ Սիրիան:

Հումանիտար նախագիծը, որն ի սկզբանե նախատեսվում էր ընդունել Անվտանգության խորհրդում, քաղաքական գնահատականներ էր պարունակում (ինչպես եւ Գլխավոր գագաթաժողովի ներկա բանաձեւը), որոնք դատապարտում են Ռուսաստանը, ուստի դատապարտված էր վետոյի ՌԴ-ի կողմից: Արդյունքում Ֆրանսիան և Մեքսիկան որոշել էին հասնել Գլխավոր գագաթնաժողովում իրենց բանաձևի քվեարկությանը։

Գլխավոր գագագթնաժողովի ընդունած բանաձեւում ասվում է, որ այն «պահանջում է անհապաղ դադարեցնել ՌԴ-ի ռազմական գործողություններն Ուկրաինայի դեմ»: Հեղինակները պնդում են, որ «Ուկրաինայի տարածքում Ռուսաստանի ռազմական հարձակումը եւ դրա հումանիտար հետեւանքները հասնում են այն մասշտաբների, որոնք միջազգային հանրությունը տասնամյակներ շարունակ չի տեսել Եվրոպայում»: Բացի այդ, տեքստում կոչ է արվում կատարել ՄԱԿ-ի Գլխավոր գագաթնաժողովի՝ մարտի 2-ին ընդունված բանաձեւը (դրանում Ռուսաստանին կոչ են արել դադարեցնել հատուկ ռազմական գործողությունն Ուկրաինայում եւ դուրս բերել զորքերը, դատապարտվել Է ՌԴ-ի՝ «բարձրացնել իր միջուկային ուժերի պատրաստվածությունը» որոշումը):

Աղբյուր` Փաստինֆո