Փաստ ինֆո

Ադրբեջան փական է տեղադրել Հայաստանից Արցախ գնացող գազատարի վրա: Կառավարության նիստում նման հայտարարությամբ է հանդես եկել ՀՀ վարչապետ Նիկոլ Փաշինյանը` նշելով, որ այդպիսով ապացուցել է, որ մարտի 7-ի պայթյունը եւս ինքն հեղինակել։

«Արդեն 3 օր է` Արցախի բնակչությունը զրկված է բնական գազից, ինչը տեղի է ունեցել Ադրբեջանի մասնակցության արդյունքում։ Մարտի 7-ին Արցախ մտնող գազատարը պայթեցվել էր Ադրբեջանի վերահսկողության տակ գտնվող տարածքում։ Ամենատարբեր պատրվակներով Ադրբեջանը թույլ չէր տալիս գազատարի վերանորոգումը և, ի վերջո, ինքը վերանորոգեց։ Արդյունքում, մեր տեղեկություններով, գազատարի վրա տեղադրվել է փական։ Մարտի 21-ին առանց պայթյունների արդեն Ադրբեջանը փակել է փականը՝ ապացուցելով, որ մարտի 7-ի պայթունի հեղինակը ևս ինքն է»,-նշել է վարչապետը՝ շեշտելով, որ թե՛ մարտի 7-ին, թե՛՝ 21-ին, Արցախում աննախադեպ ցուրտ էր։

«Ադրբեջանի գործողությունների հետևանքով Արցախը հայտնվել է հումամիտար աղետի շեմին։ Չեմ կասկածում, որ Արցախի հերոսական ժողովուրդը կհաղթահարի այս փորձությունը նույնպես, բայց պիտի արձանագրեմ, որ Արդբեջանն այս գործողություններով նաև ծառայություն է մատուցում Արցախին։ Գազատարի հետ կապված այս դրվագով միջազգային հանրությունը կարող է հասկանալ Արցախի հիմնախնդրի էությունը՝ առանց պատմություն ուսումնասիրելու»,-նկատել է Նիկոլ Փաշինյանը՝ նշելով, որ դա ի ցույց է դնում Ադրբեջանի քաղաքականությունն արցախահայության նկատմամբ՝ անհնար դարձնել նրանց ապրելը սեփական հայրենիքում։

Վարչապետն ընդգծեց, որ այդ քայլերով Ադրբեջանը նպատակ ունի ամեն ինչ անել Արցախում էթնիկ զտումների քաղաքականությունն ավարտին հասցնելու համար․

«Այս իմաստով խորհդանշական է Ադրբեջանի արտաքին գործերի նախարարության երեկվա հայտարարությունը, որում ասվում էր, թե Արցախի գազամատակարարման հարցն Ադրբեջանի ներքին գործն է։ Սա նշանակում է՝ միջազգային հանրություն դուք այս կողմ մի նայեք և թույլ տվեք տվեք աննկատ կամ «հակաահաբեկչական» գործողությունների անվան ներքո ավատին հասցնենք Արցախը էթնիկ զտումների և ցեղասպան քաղաքականության միջոցով հայերից ազատելու քաղաքականությունը»։

Աղբյուր` Փաստինֆո