Փաստ ինֆո

Աշխարհաքաղաքական բարդ իրադրության պայմաններում, երբ Հայաստանը կանգնած է բազմաթիվ մարտահրավերների առջև, իշխանության ղեկին հայտնված մարդկանց մի խումբ շարունակում է անցյալի և ներկայի պատմությունը խեղաթյուրելով, նախկին-ներկա անելով երկիրը տանել դեպի անդունդ: Այս մասին ԱԺ նիստին հայտարարեց ԱԺ փոխնախագահ Իշխան Սաղաթելյանը.

Ի՞նչ եք ասում դուք, ասում եք՝ ապագա կա, բայց այդ ապագան զիջումով է, մենք ասում ենք՝ ապագա չկա զիջումով, խաղաղության անվան տակ երկիրը փորձում եք տանել նոր զիջումների, դուք ոչ թե խաղաղության դարաշրջան եք բացելու, այլ դժոխքի, քաոսի ու նոր կորուստների դարաշրջան ու այս ամեն ինչը դուք փորձում եք ներկայացնել նախկինների ու ներկաների կռիվ»,- ասաց Սաղաթելյանը՝ դիմելով իշխող մեծամասնությանը:
Նա նշեց, թե նախկինի ու ներկայի հարց չկա:

««Ապագա կա» կարգախոսով եկել են իշխանության, մնացել են անցյալում, հասկացեք՝ դուք գործ ունեք 5000 ամյա ժողովրդի ճակատագրի հետ, հերիք է խեղաթյուրեք դեպքերն ու իրադարձությունները, հասկացե՛ք ձեր պատասխանատվության չափը, դուք չունեք մանդատ երկիրը նոր զիջումների տանելու ու այս ամեն ինչը բարդելու նախկինների վրա: Եթե ձեր ու նախկինների մեջ որևէ տարբերություն չկա, ժողովրդին ինչո՞ւ խաբեցիք, եկաք իշխանության, որ Արցախը կորցնե՞նք: Հերիք է, ուշքի եկեք, այն ճանապարհը, որ դուք ընտրել եք, այս երկրի կործանման ճանապարհն է», - ասաց Իշխան Սաղաթելյանը:

Աղբյուր` Փաստինֆո