Փաստ ինֆո

Տպավորություն է, որ այս իշխանությունը կույր, խուլ ու համր է կատարվողի նկատմամբ և փորձում է միայն մեկ հարց լուծել՝ օր ավելի պահել իրենց աթոռները ցանկացած գնով։ Այս մասին խորհրարանում ելույթի ժամանակ հայտարարեց «Հայաստան» խմբակցության պատգամավոր Վահե Հակոբյանը.

«Սահմանային միջադեպեր, լարվածություն, զոհեր, վիրավորներ, պատերազմից մեկուկես տարի անց դեռ Բաքվում պահվում են ռազմագերիներ և քաղաքացիական անձինք, հումանիտար աղետի վտանգ կա Արցախում, հոգեբանական ճնշում կա Հայաստանի ու Արցախի բնակչության նկատմամբ, Ադրբեջանի ու Թուրքիայի կողմից թելադրվող նախապայմաններ ու հարկադրանքի քաղաքականություն, սպառնալիքներ, վերջնագրեր, այս շարքը կարելի է անվերջ շարունակել: Իսկ ի՞նչ է անում այսօր Հայաստանի գործող իշխանությունը այս մարտահրավերներին դիմակայելու ու պետական շահերը առաջ մղելու համար, ի՞նչ է անում իր ժողովրդին պաշտպանելու, նոր կատակլիզմներ թույլ չտալու համար, իսկ ի՞նչ է անում միջազգային հանրության ուշադրությունն այս ամենի վրա հրավիրելու ուղղությամբ, ցավոք՝ ոչինչ», - ընդգծեց ընդդիմադիր պատգամավորը։

Ըստ Վահե Հակոբյսնի՝ գործող իշխանությունն ընդունում է Թուրքիայի ու Ադրբեջանի կողմից թելադրվող խաղի կանոնները, սպասարկում է թուրք-ադրբեջանական շահերն ու շարունակ, իբր թե, տարբեր դրական ազդակներ ստանում.

«Թե ի՞նչ ազդակներ են, և ո՞րտեցից են ստանում, անհասկանալի է»,-ասաց Հակոբյանը;

Վահե Հակոբյանը շեշտեց, որ օր առաջ պետք է լուծել Արցախում առկա հումանիտար խնդիրները, իսկ Հայաստանի իշխանությունները անգործության են մատնված:

Ընդդիմադիր պատգամավորը նաև հարց բարձրացրեց՝ այդ ինչպե՞ս ստացվեց, որ Ֆրանկոֆոնիայի համաժողովին մասնակցելու համար Փարիզ մեկնող ՀՀ արտաքին գործերի նախարարը պատահաբար հայտնվում է Բրյուսելում՝ ՆԱՏՕ-ի գրասենյակում. «Հայաստանի իշխանությունները տարբեր կառույցներում մե՛կ աջակցում, մե՛կ չի աջակցում Ռուսաստանում, հիմա երկու աթոռի վրա նստելու և չմտածված քայլեր անելու ժամանակը չէ, դրա համար համ էլ խելք է պետք ունենալ»,-ասաց Հակոբյանը՝ դիմելով իշխանություններին:

Աղբյուր` Փաստինֆո