Փաստ ինֆո

Մեր անվտանգային խնդիրները շատ ավելի լայն են, քան այն պատկերացնում ու ներկայացնում են օրվա իշխանությունները: Արցախի հարցով խորհրդարանական լսումների ժամանակ հայտարարեց «Պատիվ ունեմ» խմբակցության ղեկավար Արթուր Վանեցյանը՝ ընդգծելով, որ Արցախն այսօր ունի օր առաջ լուծում պահանջող հրատապ խնդիրներ.

«Արցախի համար մենք այսօր ունենք երկարաժամկետ միջազգային երաշխիքների խնդիր,  ունենք խնդիր՝ գիտակցելու, որ Արցախի անվտանգությունը չի սահմանափակվում միայն արցախցիների ֆիզիկական անվտանգությամբ, ինչպես այն փորձում է ներկայացնել Հայաստանի իշխող ուժը, «Արցախի կարգավիճակ» արտահայտությունը չի լուծում Արցախի անորոշ ապագայի հետ կապված խնդիրները», - հայտարարել է նա:

Ըստ Արթուր Վանեցյանի՝ տպավորություն է, որ Արցախի կարգավիճակի մասին խոսողները չեն հասկանում, որ կարգավիճակ ասվածը ցանկացած ձև կարող է ընկալվել:

Ընդդիմադիր խմբակցության ղեկավարի խոսքով՝ ցավալի իրողություն է, որ «Հայաստանում այսօր որոշումներ են կայացնում և բանակցություններ են վարում մարդիկ,որոնք գուցե միտումնավոր, գուցե չհասկանլով՝ հասցրին մեզ այս աղետալի վիճակին».

«Այդ մարդիկ, ցավոք սրտի, դեռևս իշխանության են»,-ասաց Արթուր Վանեցյանը:

Աղբյուր` Փաստինֆո