Փաստ ինֆո

Մեր ընկալումն այն է, որ մեզ փոխանցված ադրբեջանական առաջարկներում մեծ հաշվով անընդունելի ոչինչ չկա։ Այս մասին ԱԺ արտաքին հարաբերությունների հանձնաժողովի նիստի ժամանակ հայտարարեց ՀՀ ԱԳ նախարար Արարատ Միրզոյանը՝ անդրադառնալով Ադրբեջանի կողմից 

Հայաստանին ներկայացված 5 նախապայմաններին.

«Այլ բան է, որ այդ հարցերը ամբողջապես չեն հասցեագրում Հայաստան–Ադրբեջան համապարփակ խաղաղության օրակարգը։ Մեր պատասխաններում սկզբունքային ենք համարում ԼՂ հայության իրավունքները և ԼՂ կարգավիճակի հարցի հասցեագրումը, այս հենքի վրա պատրաստ են սկսել բանակցությունները Ադրբեջանի հետ»,- ասաց Միրզոյանը և հայտնեց, որ դիմել են ԵԱՀԿ Մինսկի խմբին՝ Ադրբեջանի խաղաղության պայմանագրի շուրջ բանակցություններ սկսելու նպատակով:
Ավելի վաղ հայտնել էինք, որ Ադրբեջանը հայկական կողմին է ներկայացրել «խաղաղության պայմանագրի» կնքման հինգ կետանոց նախապայման։ Դրանք են՝

● Հայաստանի կողմից Ադրբեջան տարածքային ամբողջականության ճանաչումը՝ այդ թվում Արցախի հանդեպ ցանկացած պահանջից հրաժարում

● Հայկական զորքերի դուրս բերում, ՀՀ տարածքից, այսպես կոչված, «անկլավներից», խոսքը Արարատի մարզմի մեկ և Տավուշի մարզի 5 գյուղերի մասին է
●Հայ-ադրբեջանական սահմանի դեմարկացիա և դելիմիտացիա՝ 1970 թվականի խորհրդային քարտեզի հիման վրա

● Տրանսպորտային հաղորդակցության ապաշրջափակում՝ այդ թվում հատուկ կարգավիճակ տալով, այսպես կոչված, «Զանգեզուրի միջանցքին»։

● Ադրբեջանի փախստականների՝ Հայաստան վերադառնալու հնարավորության քննարկում կամ նրանց նյութական վնասի փոխհատուցում։

Աղբյուր` Փաստինֆո