Փաստ ինֆո

Անոթների մեջ ձևավորված արյան մակարդուկները բժշկության մեջ անվանում են թրոմբ։ Երբեմն, որոշ գործոնների ազդեցության տակ, արյան մակարդուկներ կարող են առաջանալ անոթների մեջ։ Դրանք սպառնում են ինֆարկտի, կաթվածի, օրգանների իշեմիկ վնասման, վերջույթների գանգրենայի զարգացմամբ։

Ըստ «Вечерняя Москва»-ի, ընդհանուր թերապիայի բաժնի բժիշկ, անոթաբան Լյուդմիլա Լապան տեղեկացրել է, որ կան մի քանի ախտանիշներ, որոնք օրգանիզմում թրոմբների առկայության մասին կարող են վկայել։

Դրանք են՝ կրծքավանդակի ցավը, դժվարացած շնչառությունը, հաճախացած սրտխփոցը, արտահայտված քրտնարտադրությունը, տենդը, արտահայտված գլխացավը, գլխապտույտը, հազի ժամանակ արյան առակայությունը, մաշկի և լորձաթաղանթների կապույտ ծածկույթը:

«Եթե նկատում եք այս ախտանիշներից որևէ մեկը, պետք է անպայման դիմեք բժշկին՝ ախտորոշման համար: Սա հատկապես վերաբերում է երակների վարիկոզով տառապող անոթային հիվանդություններ ունեցող տարեցներին»,- ասել է բժիշկը։ 

Արյան մակարդուկների առաջացման ռիսկն աճում է ճարպակալման, վերջույթների վնասվածքների, շարժունակության սահմանափակման՝ հատկապես 40-ն անց մարդկանց, հղիության, ծխելու, ուռուցքային հիվանդությունների, վարիկոզի, թոքերի ծանր ախտահարումների, սրտային անբավարարության, քրոնիկական կամ սուր վարակների, սթրեսների հետևանքով։ 

Ըստ Լապայի՝ թոքերի թրոմբոզը զարգանում է երակների վարիկոզի բարդությունների պատճառով։

«Ժամանակին չբուժվելը կարող է հանգեցնել մահվան»,- եզրափակել է մասնագետը։ 

Աղբյուր` Փաստինֆո