Փաստ ինֆո

Հայաստանում չկա որևէ ապրանքի դեֆիցիտ։ Տեղի է ունենում այն պրոցեսը, որը տեղի է ունեցել կորոնավիրուսի համաճարակի ժամանակ, այսինքն՝ մարդիկ մեկ օրվա ընթացքում մեծ քանակի առևտուր են անում, ցանցերը և մատակարարները չեն հասցնում տեղափոխել խանութներ։ Ինչպես քովիդի ժամանակ էինք խոստացել, որ չի լինելու որևէ խնդիր և չեղավ, նույնն էլ՝ հիմա։ Այս մասին լրագրողների հետ զրույցում ասաց ՏՄՊՊՀ նախագահ Գեղամ Գևորգյանը։

Վերջինիս համար անհասկանալի է մեծ ծավալով առևտուր անելու անհրաժեշտությունը, որովհետև ապրանքը մնալու է տանը և փչանալու։ Նրա խոսքով՝ եթե անհանգստացնող տվյալներ լիներ, կսահմանափակվեր առևտուրը կամ այլ մեխանիզմներ կկիրառվեր։ Ինչ վերաբերում է այն հանգամանքին, որ ՌԴ֊ն փակել է դեպի ԵԱՏՄ երկրներ՝ ցորենի, շաքարի, ալյուրի, ձեթի արտահանումը,

Գևորգյանը նշեց, որ մեկնաբանություններն այլ կերպ են, յուրաքանչյուր երկրի՝ ըստ պահանջի՝ կտրամադրվի ցանկը, մենք մեր ցանկը ներկայացրել ենք և որևէ կապ չունի։

Անդրադառնալով թանկացումներին՝ վերջինս նշեց, որ պարենի, ձեթի գները թանկանում են, ամբողջ աշխարհում թանկանում են, փորձում ենք ավելի էժան ճանապարհներ գտնել, որ շոկային գներ չլինի։
Նշենք, որ քիչ անց կմեկնարկի Կարեն Դեմիրճյանի անվան մարզահամերգային համալիրում կմերկնարկի Ազգային ժողովի հատուկ նիստը. նախանշված է ՀՀ 5-րդ նախագահ Վահագն Խաչատուրյանի երդմնակալության արարողությունը։

Հայաստանի խորհրդարանը «Քաղաքացիական պայմանագիր՚ խմբակցության ձայներով ընտրել է հանրապետության 5-րդ նախագահին: Փաշինյանի առաջադրած ու ընտրված նախագահ Վահագն Խաչատուրյանն արդեն վաղն իր աշխատատեղը կփոխի՝ Կառավարության շենքից, Բարձր տեխնոլոգիական արդյունաբերության նախարարի աշխատասենյակից կտեղափոխվի Բաղրամյան 26:

Աղբյուր` Փաստինֆո