Փաստ ինֆո

Վաղ թե ուշ Ադրբեջանն ու Թուրքիան ռազմական ճանապարհով Արցախի ու Սյունիքի օկուպացիայի փորձ կձեռնարկեն։ Մերձավորարևելյան քաղաքական գործընթացների փորձագետ, իսրայելագետ Սերգեյ Մելքոնյանը ներկայացրել է կետեր այն մասին, թե ինչպես են Ադրբեջանն ու Թուրքիան պատրաստվում ռազմական սադրանքի Հայաստանի ու Արցախի դեմ։

«1. Ադրբեջանը վերջին շաբաթների ընթացքում ակտիվորեն աշխատում է հասարակական կարծիքի վրա։ Օրինակ ՝ ակտիվորեն լցոնվում է սոցիալական ցանցերում հաղորդագրությունների գովազդը, որոնք ուղղված են Հայաստանի՝ որպես դաշնակցի դավաճանի կերպարի ձևավորմանը։ Նման տեղեկատվական աշխատանքի հիմնական նպատակն է՝ արդարացնել հետագա ռազմական գործողությունները։

2. Բաքուն շարունակում է ակտիվորեն գնել ժամանակակից սպառազինություն, որի մասին բազմիցս տեղեկացրել է։ Երևանի կողմից պատասխան արձագանքի բացակայությունը ավելացնում է ախորժակը։ Ավելին, Հայաստանի նոր նախագահի արձագանքը ադրբեջանցի զինվորականների կողմից Արցախի գնդակոծությանը (ի պատասխան կրակոցների նա հայտարարել է. «Հետո ի՞նչ։ Ոչ մի սարսափելի բան չկա») խոսում է՝ Հայաստանը և Արցախը պաշտպանելու որևէ քաղաքական կամքի բացակայության մասին:

3. Հիմնական քաղաքական նպատակը բազմիցս հայտարարվել Է՝ Սյունիք (կամ Զանգեզուր, Հայաստանի հարավային շրջան)։ Եթե որևէ մեկը կարծում է, որ Սյունիքի գրավման դեպքում «համաշխարհային հանցակցությունը» կանգնեցնելու է Բաքվին, ապա կարող է հիշել «քաղաքակիրթ աշխարհի» կողմից 2020 թվականի պատերազմի ժամանակ «մտահոգություններն ու ափսոսանքները»։

4. Վերջին օրերին Ադրբեջանն Արցախի ուղղությամբ գնդակոծության է դիմել ոչ միայն թեթև հրաձգային զենքով, այլև ականանետերով։ Կարելի է ասել, որ նման բան նկատվում է ողջ պարագծով։

Վաղ թե ուշ Ադրբեջանն ու Թուրքիան ռազմական ճանապարհով Արցախի ու Սյունիքի օկուպացիայի փորձ կձեռնարկեն։ Գլխավոր կատալիզատորն այսօր Ուկրաինայում ռուսական գործողության անավարտությունն է։ 2020թ.-ի սեպտեմբերին արդեն գիտեին վերահաս պատերազմի մասին։ Այդ ժամանակ Երևանի ղեկավարությունը ոչ մոբիլիզացիա, ոչ էլ տեխնիկայի տեղափոխում չի իրականացրել։

Այսօր դե Ֆակտո իշխանությունների կողմից սահմանին իրավիճակի սրման ֆոնին խաղաղ համաձայնագիր ստորագրելու պատրաստակամության մասին խոսքեր են հնչում։ Խնդիրն այն է, որ Բաքուն և Անկարան խաղաղ համաձայնագիր են ուզում միայն օկուպացված Արցախի և Սյունիքի հետ»,- տելեգրամ ալիքի իր օգտահաշվու գրել է Մելքոնյանը։

Աղբյուր` Փաստինֆո