Փաստ ինֆո

Հայաստանում տեղի ունեցած արտահերթ խորհրդարանական ընտրություններով Հայաստանը մուտք է գործել ժողովրդավարական երկրների բարձրագույն լիգա: Կառավարության նիստին հայտարարեց վարչապետ Նիկոլ Փաշինյանը:

Նա, մասնավորապես, հայտնեց, որ «Varieties of Democracy ինստիտուտը հրապարակել է 2022 թվականի ժողովրդավարության զեկույցը և Հայաստանը բնորոշել որպես ժողովրդավարական երկիր.

Նիկոլ Փաշինյանի խոսքով սա շատ կարևոր արձանագրում է Հայաստանի Հանրապետության համար.

«Մեր երկրի պատմության մեջ առաջին անգամ Հայաստանի Հանրապետությունը բնորոշվում է ոչ թե ընտրական ավտորիտարիզմ տերմինով, այլ բնորոշվում է որպես ընտրական ժողովրդավարություն»,- ասաց Նիկոլ Փաշինյանը:

Ըստ նրա՝ ժողովրդավարության առումով Հայաստանի Հանրապետության դասակարգման փոփոխություն է տեղի ունեցել.

«Այս բնորոշման էությունը հետևյալն է, որ իշխանությունները ձևավորվում են ընտրություններով, այսինքն՝ ընտրությունը ոչ թե իշխանության վերարտադրության գործիք է, այլ ընտրությունն իշխանության ձևավորման գործիք է։ Ըստ էության, կարող ենք արձանագրել, որ ամենաթարմ օրինակը՝ 2021 թվականին Հայաստանում տեղի ունեցած արտահերթ խորհրդարանական ընտրություններով ՀՀ-ն մուտք է գործել ժողովրդավարական երկրների, պայմանական ասած, բարձրագույն լիգա։ Իհարկե, սա չի նշանակում, որ մեր երկրում ժողովրդավարությունն անթերի է կամ կատարյալ, պարզապես տարբեր դրվագների հանրագումարով մենք ստացել ենք այսպիսի դասակարգում, ինչը, կարծում եմ, հիշատակության արժանի է»,- ասաց Նիկոլ Փաշինյանը։

Աղբյուր` Փաստինֆո