Փաստ ինֆո

«Ուկրաինայի նախագահ Զելինսկու, այսպես ասած, փախուստը երկու տեսանկյունից պետք է դիտարկել։ Առաջինը, որ Արևմուտքն այլևս չի վստահում Զելինսկու շրջապատին և կանչել է նրան Լեհաստան՝ հույժ կարևոր հարցերն անձամբ նրա հետ տեսակետ քննարկելու համար կամ Զելինսկին՝ ինքն այլևս իր անվտանգությունը չի վստահում սեփական շրջապատին և հայրենակիցներին, այդ պատճառով, բոլորի համար անակնկալ կերպով լքել է Լվովի իր ապաստարանն ու տեղափոխվել Լեհաստան»,- «Փաստինֆո»-ի հետ զրույցում ասում է միջազգայնագետ Գրիգոր Բալասանյանը։

Հիշեցնենք, որ ժամեր առաջ տեղեկություն տարածվեց այն մասին, որ Վլադիմիր Զելինսկին լքել է Ուկրաինայի տարածքը, նա գտնվում է Լեհաստանում։ Այս մասին թելեգրամյան իր ալիքում հայտնել էր Պետդումայի խոսնակ Վյաչեսլավ Վոլոդինը. «Զելենսկին լքել է Ուկրաինան։ Գերագույն Ռադայի պատգամավորներն ասել են, որ Լվովում չեն կարողացել հասնել նրա մոտ»,- գրել է նա։ Այժմ նա Լեհաստանում է»,- հայտնել էր Վոլոդինը:

Հասկանալու համար՝ դեպքերի զարգացման հետագա պատկերը, միջազգայնագետ Գրիգոր Բալասանյանն առաջարկում է սպասել առաջիկա օրերի իրադարձություններին.«Չմոռանանք մի կարևոր հանգամանք ևս՝ սկսվում է ռուս ուկրաինական բանակցությունների երրորդ փուլը, և կարծում եմ, դրանից առաջ Արևմուտքը Զելինսկու հետ ժամացույցի սլաքներն ուղղելու խնդիր ունի, ինչն, իր հերթին, խոսում է առաջին վարկածի հավանականության մասին, այն է՝ Ուկրաինայի նախագահին կանչել են Արևմուտք՝ որոշակի հարցեր պարզաբանելու համար»։

Հարցին՝ ի՞նչ է սպասվում այն պարագայում, եթե Վլադիմիր Զելինսկին, այնուամենայնիվ, չվերադառնա Ուկրաինա, միջազգայնագետը պատասխանում է՝ սա հնարավորություն կտա վերջինիս քաղաքական հակառակորդներին նոր գործընթացներ սկսել. «Նրանք կհայտարարեն, որ Զելինսկին վճռական պահին լքեց Ուկրաինան և Ուկրաինայի ժողովրդին։ Հետևաբար, եկել է ժամանակը, որպեսզի Ուկրաինայի ժողովուրդն ինքը տեր կանգնի իր երկրին և տնօրինի սեփական ճակատագիրը։ Սրա ամենակարճ ճանապարհը, ռուսական կողմի հետ ուղղակի բանակցություններ սկսելն է՝ ձևավորելու համար ազգային համաձայնության կառավարությունը, որի մեջ, կարծում եմ, չեն ընդգրկվի, առնվազն երկու ուժ՝ Զելինսկու գլխավորած՝ «Ժողովրդի ծառա» կուսակցությունն ու երկրի ներսում գործունեություն ծավալող նացիոնալիստական բլոկը։ Մյուս բոլոր կուսակցությունները, կարծում եմ, կընդգրկվեն ազգային համաձայնության կառավարությունում, կանցկացվեն Ազգային Ռադայի և նախագահի նոր ընտրություններ, նոր Կառավարություն և նոր Ազգային ժողով կձևավորվի Ուկրաինայում»,- ասում է միջազգայնագետ Գրիգոր Բալասանյանը։

Աղբյուր` Փաստինֆո