Փաստ ինֆո

Մենք պետք է ամեն ինչ սկսենք զրոյից։ Պետք է իսկապես որակապես նոր խնդիր դնենք մեր ազգի և մեր պետության առջև։ Դրան կարելի է հասնել, նաև այլ երկրների պատմությունն է դրա մասին խոսում։ Շատ ամբիցիոզ, շատ դժվար իրագործելի է, բայց իրագործելի է։ Ամեն ինչ կախված է մեզնից՝ կկարողանանք այդ խնդիրը դնել, վարակել բոլորին, ուրեմն՝ կհաջողենք, եթե ոչ՝ հայոց պետականությունը կդառնա պատմության մի մաս։ Այս մասին «Հայկական օրակարգ» պանելային քննարկման ընթացքում ասաց ՀՀ արդարադատության նախկին նախարար Դավիթ Հարությունյանը։ 

Հարությունյանը գտնում է, որ պետք է ակտիվանցել հասարակությանը, ինչի համար պետք է կարևոր դերակատարություն ունենան նաև կուսակցությունները, սակայն դա էլ ունեն իրենց թերությունը, մասնավորապես, այսօր հասարակության մեջ ավանդական կուսակցությունների նկատմամբ ձևավորված է նեգատիվ մոտեցում և էական չէ, թե այդ մոտեցումն օբյեկտիվ է, հիմնավոր է, թե ոչ, կա կայուն բացասական վերաբերմունք։

«Ո՞րն է ուղին։ Առաջինը՝ շեշտադրումը պետք է լինի երիտասարդների վրա։ Երկրորդը նրանց ակտիվացնելն է։ Ոչ թե քաղաքական նոր կուսակցություն հիմնելը, այլ նրանց դարձնելը սեփական երկրի ճակատագրի նկատմամբ ոչ անտարբեր և ոչ հարմարվող, չընդունող այսօրվա իրողությունը։ Եթե մենք այդ ամբիցիան կարողանանք արթնացնել, վստահեցնում եմ՝ մնացած պրոցեսը զարգանալու է ինքնուրույն», - ասաց նա՝ հավելելով, որ մենք ունենք հարյուրավոր հետաքրքիր մասնագետներ, բավական է՝ ինչքան նրանք երևան էկրանից կամ սոցիալական ցանցերում, ժամանակն է՝ գնալ և տեղում երիտասարդների հետ աշխատել։

Աղբյուր` Փաստինֆո