Փաստ ինֆո

«Մարտի 1-ից 4-ը Հայաստանի ղեկավարության կամ ղեկավար անձի հետ բացասական բնույթի տրանսֆորմացիաներ են կատարվելու։ Խոսքը կարող է վերաբերել ղեկավարի հեղինակության անկմանը,- այս մասին «Փաստինֆո»-ի տաղավարում ասել է աստղաբան, հոգեբան Աննա Հակոբյանը՝ վերլուծելով Հայաստանի աստղաբանական քարտեզի մարտ ամիսը։

Մարտի 2-ին ձկան նշանում տեղի կունենա նորալուսինը, ինչն, ըստ ասղաբանի հուշում է այն մասին, որ մարդկանց էմոցիաները խիստ բարձր են լինելու։

Աստղաբանը նկատում է՝ երկու չար մոլորակների միավորում է սպասում. «Մարտի 2-ին Մարսը և Պլուտոնը միանում են։ Սա հայտարարում է նոր սկիզբ, նոր փոփոխություններ։ Այս երկու մոլորակների միավորումը նախանշում է սպասվելիք մեծ իրադարձության մասին։ Զինվորականության հետ կապված ոչ լավ զարգացումներ են սպասվում»։

Մարտի 6-ին Մարսը և Վեներան մտնում են ջրհոսի նշան.«Ջրհոսը խորհրդանշում է ազատությունը, ինչպես նաև՝ Ռուսաստանի Դաշնությունը։ Երբ այս երկու նշանը մտնում են Ջրհոս, պետք է սպասել խիստ ռեալ գործողությունների։ Սա պայքար է ազատության համար։ Այլ կերպ ասած՝ իրադարձությունները բուռն են լինելու»։

Աստղաբանը նկատում է՝ Հայաստանում իշխանափոխության համար բարենպաստ ժամանակ է սկսվել և այն կտևի մինչև ընթացիկ տարվա օգոստոս ամիսը. «Պետք է անել հնարավոր ամեն ինչ՝ օգտվելու մեզ ընձեռնված այս հնարավորությունից, որովհետև հետո կարող է ուշ լինել՝ մեր պետության համար փոփոխությունների բարենպաստ ժամանակը օգոստոսին կավարտվի»։

Աղբյուր` Փաստինֆո