Փաստ ինֆո

Ուկրաինայի նախագահ Վլադիմիր Զելենսկին հայտարարել է նոր ստորաբաժանման՝ Ուկրաինայի տարածքային պաշտպանության միջազգային լեգիոնի, ձեւավորման մասին, որը համալրվելու է այն օտարերկրացիներից, որոնք ցանկանում են մասնակցել ռուսական ագրեսիայի հետ մղմանը:

«Բոլոր օտարերկրացիներին, ովքեր ցանկանում են միանալ ռուսական օկուպանտներին դիմադրելուն և համաշխարհային անվտանգության պաշտպանությանը, Ուկրաինայի ղեկավարությունն առաջարկում է գալ մեր պետություն և համալրել տարածքային պաշտպանության ուժերի շարքերը։ Օտարերկրացիներից ձեւավորվում է առանձին ստորաբաժանում' Ուկրաինայի տարածքային պաշտպանության Ինտերնացիոնալ լեգիոն: Դա կլինի մեր երկրի համար ձեր աջակցության առանցքային վկայությունը», - ասված է Զելենսկու ուղերձում օտարերկրյա պետությունների քաղաքացիներին, որոնք ձգտում են օգնել Ուկրաինային ռուսական ագրեսիայի դեմ պայքարում։ Ուղերձը հրապարակվել է պետության ղեկավարի կայքում կիրակի առավոտյան:

Ուղերձում նշվում է, որ ուկրաինացիների քաջությունը բավարար է պաշտպանելու իրենց հայրենիքը, «սակայն սա պարզապես Ռուսաստանի ներխուժում չէ Ուկրաինա, սա պատերազմի սկիզբ է Եվրոպայի դեմ... Եվրոպայում մարդու պարզ իրավունքների դեմ, մայրցամաքում համակեցության բոլոր կանոնների դեմ»:

«Բոլոր նրանք, ովքեր ցանկանում են միանալ Եվրոպայում եւ աշխարհում անվտանգության պաշտպանությանը, կարող են գալ եւ ուս ուսի կանգնել ուկրաինացիների հետ 21-րդ դարի զավթիչների դեմ։ Համաձայն 2016 թվականի հունիսի 10 - ի թիվ 248 հրամանագրով հաստատված օտարերկրացիների և քաղաքացիություն չունեցող անձանց կողմից զինված ուժերում զինվորական ծառայություն անցնելու մասին դրույթի՝ օտարերկրացիներն իրավունք ունեն կամավոր կարգով զինվորական ծառայության անցնել պայմանագրով, այդ թվում՝ ԶՈՒ տարածքային պաշտպանության ուժերի շարքերում», - տեղեկացրել է Զելենսկին։

Միջազգային լեգիոնում գրանցվելու և բոլոր մանրամասների համար անհրաժեշտ է դիմել յուրաքանչյուր կոնտրկրետ պետությունում Ուկրաինայի դեսպանատան պաշտպանության հարցերով կցորդին (կոնտակտային տեղեկատվությունը՝ դեսպանության կայքում):

Աղբյուր` Փաստինֆո